Undavalli Arun Kumar : మే 13న ఏపీలో అసెంబ్లీలో ఎన్నిక‌లు ఉండ‌గా, ఈ సారి ఎవరు అధికారంలోకి వ‌స్తారా అని జోరుగా చ‌ర్చ న‌డుస్తుంది. ఎవ‌రికి న‌చ్చిన‌ట్టు వారు జోస్యాలు చెబుతున్నారు. అలానే చంద్రబాబు, జగన్, ప‌వ‌న్ క‌ళ్యాణ్‌పై కూడా త‌మ‌దైన కామెంట్స్ చేస్తున్నారు. ఆంధ్రప్రదేశ్ రాష్ట్ర రాజకీయాల్లో నెలకొన్న తాజా పరిస్థితిపై మాజీ ఎంపీ ఉండవల్లి అరుణ్ కుమార్ ఆసక్తికర వ్యాఖ్యలు చేశారు. ఏపీ సీఎం జగన్, మాజీ సీఎం చంద్రబాబు వ్యవహారంపై తనదైన శైలిలో స్పందించారు. ఏపీకి ప్రత్యేకహోదాపై కేంద్రాన్ని ప్రశ్నించడానికి గతంలో చంద్రబాబు భయపడ్డారని.. ఇప్పుడు జగన్ కూడా భయపడ్డారని అన్నారు. కేసుల భయంతోనే వాళ్లు వెనుకంజ వేశారని విమర్శించారు.
రాక్షసుడ్ని, దుర్మార్గుడ్ని అయినా భరించవచ్చు కానీ, పిరికివాడ్ని భరించే పరిస్థితి ఉండకూడదని అన్నారు ఉండవల్లి అరుణ్ కుమార్ అన్నారు.. ఎన్నికల సమయంలో నోటాకు ఓట్లు పడకపోవడానికి కారణాలు ఉన్నాయి. ప్రజలు ఎవరు తక్కువ అవినీతిపరుడో చూసుకుని వారికి ఓటేస్తున్నారు తప్ప.. నోటా జోలికి వెళ్లడంలేదని చెప్పుకొచ్చారు. ఏపీలో ఏ ప్ర‌భుత్వం అధికారంలోకి వస్తుంద‌నే దానిపై ఉండవల్లి స్పందిస్తూ తాను ఇప్పుడు మాట్లాడ‌ను. నేను ఇప్పుడు ఏ పార్టీ అధికారంలోకి వ‌స్తుందో చెబితే నా ఓటు గురించి లీక్ చేసిన‌ట్టే. నేను దాని గురించి ఇప్పుడు మాట్లాడ‌ను అని అరుణ్ కుమార్ అన్నారు. ఇక అమ‌రావతి రాజ‌ధాని విష‌యంలో కూడా ఆయన నిరాశ వ్యక్తం చేసారు.
రాజాధాని ఎక్క‌డ ఉన్నా కూడా ప‌రిపాల‌న బాగుండాల‌ని ఆయన చెప్పారు. 175 స్థానాల్లో జగన్ తరపున కాదు.. జగనే పోటీ చేస్తున్నారని ఉండవల్లి సెటైర్ వేశారు. రాష్ట్రంలో అర్బన్ ఏరియాల్లో జగన్ మోహన్ రెడ్డికి వ్యతిరేకంగా ఓట్లు కనపడుతున్నాయని ఉండవల్లి జోస్యం చెప్పారు. వైసీపీ కంటే ఎక్కువగా ఇస్తామంటూ టీడీపీ మేనిఫెస్టో ప్రకటిస్తున్నారని, వీటన్నింటిని ప్రజలకు అందించడం ఎలా సాధ్యమనే విషయాలను ఒకసారి పరిశీలన చేసుకోవాలని ఉండవల్లి అన్నారు. చదువుకున్నవారు రోడ్లు బాలేదనో, ఇంకేదో లేదనో వైసిపికి వ్యతిరేకం అవ్వొచ్చు. రూరల్లో మాత్రం వైసిపి పాజిటివ్ గా ఉంది జగన్ 40%, చంద్రబాబుకు 40% ఓట్ పర్సంటేజ్ వస్తాయనుకుంటున్నానని చెప్పుకొచ్చారు.
