BJP : మ‌రి కొద్ది రోజ‌ల‌లో పార్లెమంట్ ఎన్నిక‌లు జ‌ర‌గ‌నున్న విష‌యం తెలిసిందే. పార్లమెంటు ఎన్నికల్లో 370 సీట్లను బీజేపీ గెలుస్తుందని ప్రధాని మోదీ లోక్ సభలో ప్రకటించిన సంగతి తెలిసిందే. ఇదే టార్గెట్ తో బీజేపీ లోక్ సభ ఎన్నికలకు సమాయత్తమవుతోంది. తెలంగాణలో సైతం మొత్తం 17 సీట్లను కైవసం చేసుకోవాలనే లక్ష్యంతో బీజేపీ ముందుకు సాగుతోంది. ఇప్పటికే రాష్ట్ర బీజేపీ నేతలు ఎన్నికల ప్రచారంలో తలమునకలై ఉన్నారు. మరోవైపు ప్రధాని నరేంద్ర మోదీ తెలంగాణలో పర్యటించబోతున్నారు. మార్చి 4, 5 తేదీల్లో రెండు రోజులపాటు ఆయన పర్యటన కొనసాగనుంది.
ఆదిలాబాద్, సంగారెడ్డి జిల్లాల్లో మోదీ పర్యటిస్తారు. వాస్తవానికి మార్చి 4వ తేదీన కేంద్ర హోం మంత్రి అమిత్ షా తెలంగాణలో పర్యటించాల్సి ఉంది. అయితే మోదీ పర్యటన నేపథ్యంలో ఆయన పర్యటన రద్దయింది. మార్చి 4న ఆదిలాబాద్ జిల్లాలో పర్యటన. పలు అభివృద్ధి పనులకు శంకుస్థాపన. ఆదిలాబాద్ లో బహిరంగసభ. మార్చి 4 రాత్రి హైదరాబాద్ లోని రాజ్ భవన్ లో బస. మార్చి 5న సంగారెడ్డి జిల్లాలో పర్యటన. సంగారెడ్డిలో పలు అభివృద్ధి పనులకు శంకుస్థాపన. ఆ తర్వాత బహిరంగసభ. అనంతరం ఢిల్లీకి తిరుగుపయనం ఉంటుంది.బీజేపీ మాత్రం బీఆర్ఎస్ పై ఒత్తిడి తెచ్చేందుకే ఈ పొలిటికల్ గేమ్ మొదలు పెట్టింది. తాజాగా నాగర్ కర్నూలు ఎంపీ పోతుగంటి రాములుని తమవైపు లాక్కుంది. మరింతమంది బీఆర్ఎస్ నేతలు బీజేపీలో చేరేందుకు సిద్ధంగా ఉన్నారంటూ తెలంగాణ బీజేపీ అధ్యక్షుడు కిషన్ రెడ్డి చేసిన వ్యాఖ్యలు ఇప్పుడు హాట్ టాపిక్ గా మారాయి.
అయితే ఈ సారి పలు చోట్ల కొత్త ముఖాల‌ని బరిలోకి దింపాల‌ని బీజేపి ప్లాన్ చేస్తున్న‌ట్టు స‌మాచారం.గ‌త ఎన్నిక‌ల‌లో ప‌ని చేసిన వారు ఇప్పుడు క‌నిపించ‌క‌పోవ‌చ్చు. అలానే పార్టీలో కొత్త‌గా చేరిన వారికి టికెట్లు ఇవ్వొద్ద‌ని హైక‌మెండ్ చెప్పిన‌ట్టు స‌మాచారం.బీజేపీ కోసం ఏళ్ల త‌ర‌బ‌డి ప‌ని చేసిన వారికి సీట్లు ఇవ్వాల‌ని , ఈ క్ర‌మంలో 10 స్థానంలో కొత్త వారికి చాన్స్ ఇచ్చేలా బీజేపీ అనుకుంటుంద‌ట.
