Samantha : టాలీవుడ్ స్టార్ హీరోయిన్ సమంత న‌టించిన తాజా చిత్రం ఖుషి. సెప్టెంబర్ 1న విడుద‌ల కానున్న ఈ సినిమా ప్ర‌మోష‌న్ కార్య‌క్ర‌మాలు ఓ రేంజ్‌లో సాగుతున్నాయి. మంగళవారం (ఆగస్టు 15) రాత్రి హైదరాబాద్‌లో ‘మ్యూజికల్‌ కన్సెర్ట్‌’ను నిర్వహించింది. ఈ ఈవెంట్‌లో లైవ్ పెర్ఫార్మెన్స్‌తో అభిమానుల్లో జోష్ నింపారు సమంత, విజయ్ దేవరకొండ. ఈవెంట్ లో విజయ్ షర్ట్ తీసేసి సమంతని ఎత్తుకొని చుట్టూ తిప్పుతూ హడావిడి చేస్తూ డ్యాన్స్ చేయడంతో ఈ వీడియోలు, ఫొటోలు వైరల్ గా మారాయి. హీరో హీరోయిన్స్ లా కాకుండా ఈవెంట్స్ కి డ్యాన్స్ లు వేసే డ్యాన్సర్లులా చేశారని, డ్యాన్స్ చేయడానికి విజయ్ షర్ట్ ఎందుకు ఇప్పడం అని కొంద‌రు నెగెటివ్ కామెంట్స్ కూడా చేస్తున్నారు.
అయితే విజయ్ దేవరకొండ మాట్లాడుతూ.. సమంత ఎదుర్కొన్న అనారోగ్య సమస్య గురించి ప్రస్తావించారు. సమంత ఎంతో కష్టం భరించింది. తనెప్పుడూ నవ్వుతూ ఉండటం చూడాలి. ఇప్పుడు కూడా తనకు హెల్త్ సపోర్ట్ చేయట్లేదు. తనకు లైట్లు, సౌండ్ ఇదంతా పడవు. వెంటనే తలనొప్పి వస్తుంది. కానీ, మన అందరి కోసం ఇక్కడికి వచ్చింది’ అని విజయ్ దేవరకొండ చెప్పుకొచ్చారు. సమంత హెల్త్ గురించి మాట్లాడొద్దని అనుకున్నా. కానీ, ఆమె నుంచి ఎంతో మంది స్ఫూర్తి పొందుతున్న వారికి ఆమె గురించి చెప్పాలి అని విజయ్ అన్నారు. ఇలా ఉన్నా కూడా మన పని మనం చేసుకోవచ్చనేది చెప్పడానికే తను వచ్చింది అని విజయ్ దేవరకొండ అన్నారు.
సమంత మాట్లాడుతూ.. మా మైత్రీ మూవీ మేకర్స్ నిర్మాతలు నవీన్, రవి గారికి థాంక్స్. వారికి థాంక్స్ చెప్పడానికి మాటలు చాలడం లేదు, గత ఏడాది కాలంలో మీరు నా పట్ల చూపించిన సహనం, కేరింగ్ నేను ఎప్పటికీ గుర్తుపెట్టుకుంటానని తెలిపింది. మీరు నాకు ఎప్పటికీ ఫెవరేట్ ప్రొడ్యూసర్స్. అలాగే నాకు ఇష్టమైన మనుషులు కూడా.. ఇక డైరెక్టర్ శివ, హీరో విజయ్న్ కి చాలా పెద్ద థాంక్స్ చెప్పాలి. థాంక్ గాడ్ విజయవాడలో సమంత ఇడ్లీ స్టాల్ పెట్టే అవసరం రాలేదు. టైంకు వచ్చి నేను సినిమా ఫినిష్ చేసేశాను, ఎందుకంటే ఈ ఇడ్లీ బిజినెస్ మీరు చేయగలరా లేదా అని డౌట్స్ ఉన్నాయని నవ్వుతూ అంది. మీ ఎనర్జీ చూసి నేను సెప్టెంబర్ ఒక‌టికి టైమ్ ను ఫాస్ట్ ఫార్వర్డ్ చేసి మీతోనే సినిమా చూడాలి అనిపిస్తోంది. ఎప్పుడూ మీకు నచ్చిన ఒక మంచి సినిమా తీయాలనేదే మా ప్రయత్నం. ఈసారి అలాంటి సినిమానే చేశామని నమ్ముతున్నాను. మీకోసమే హార్డ్ వర్క్ చేస్తున్నా, హెల్తీగా తిరిగివస్తా బ్లాక్ బస్టర్ ఇస్తాను అని చెప్పుకొచ్చింది సమంత.
