CM YS Jagan : ఈ రోజు దేశ వ్యాప్తంగా స్వాతంత్య్ర వేడుక‌లు దేశ వ్యాప్తంగా ఘ‌నంగా జ‌రిగాయి. విజయవాడలోని ఇందిరాగాంధీ మున్సిపల్ స్టేడియంలో నిర్వహించిన వేడుకల్లో ముఖ్యమంత్రి వైఎస్ జగన్ జాతీయ పతాకాన్ని ఆవిష్కరించారు. పోలీసు బలగాల నుంచి గౌరవ వందనం స్వీకరించారు. వివిధ ప్రభుత్వ పథకాలపై ఆయా శాఖలు ఏర్పాటు చేసిన శకటాల ప్రదర్శనను సీఎం తిలకించారు. గాంధీజీ ఇచ్చిన అహింస, శాంతి సందేశాన్ని.. భగత్‌సింగ్‌, సుభాష్‌ చంద్రబోస్‌ సాహసాన్ని.. టంగుటూరి, అల్లూరి, పింగళి త్యాగనిరతిని.. లక్షలాది సమరయోధుల బలిదానాన్ని గుర్తుచేస్తూ జాతీయ జెండా ఎగురుతోంది అని అన్నారు.
కశ్మీర్ నుంచి కన్యాకుమారి వరకూ జరిగిన స్వాతంత్ర పోరాటానికి ప్రతీక అన్నారు. చెక్కుచెదరని సమైక్యతకు, భిన్నత్వంలో ఏకత్వానికి చిహ్నం అన్నారు. 76 ఏళ్ల క్రితం మన పూర్వీకుల త్యాగాల మీద సాధించిన స్వాతంత్రానికి గుర్తని తెలిపారు. రాష్ట్ర ప్రజల తరఫున జెండాకు సెల్యూట్ చేశారు. గ్రామ సచివాలయాలు, రైతు భరోసా కేంద్రాలు, ఇంగ్లీష్ మీడియం స్కూళ్ల ఏర్పాటుతో గ్రామ స్వరాజ్యానికి అర్దం తెచ్చామన్నారు. వీటితో పాటు బ్రాడ్ బ్యాండ్ సదుపాయంతో డిజిటల్ లైబ్రరీలు నిర్మిస్తున్నామన్నారు. 76 ఏళ్లలో భారత్ లో ఏ ప్రభుత్వం చేయని మార్పు అన్నారు. పెన్షన్, రేషన్ కోసం కార్యాలయాల చుట్టూ తిరగాల్సిన అవసరం లేకుండా ఇంటింటికీ సేవలు అందిస్తున్నట్లు జగన్ తెలిపారు. ఇందుకోసం గ్రామ, వార్డు సచివాలయాల వ్యవస్ధ తెచ్చామన్నారు.
పేదలు చదివే స్కూళ్లను పాడుబడేలా చేయడం అంటరానితనమన్నారు. పేదలు ఇంగ్లీష్ మీడియాం చదువుకోవద్దని వాదించడం అంటరానితనమే అన్నారు. పేదలు వైద్యం చేయించుకునే ప్రభుత్వ ఆసుపత్రుల్లో ఉచిత సేవలు అందకుండా చేయడం కూడా అంటరానితనమే అని వ్యాఖ్యానించారు. అయితే క‌వాతు ప్ర‌ద‌ర్శ‌న‌లో అత్యుత్త‌మ క‌వాతు ప్ర‌ద‌ర్శ‌న క‌న‌బ‌రిచిన వారికి ముఖ్యమంత్రి చేతుల మీదుగా బ‌హుమ‌తులు అందించారు. ఆ స‌మ‌యంలో జగన్ ఒక వ్య‌క్తికి లాకెట్ పెట్ట‌గా, అది జారికింద ప‌డిపోయింది. అప్పుడు స్వ‌యంగా జగన్ కింద‌కు వంగి దానిని తీసి మ‌ళ్లీ ఆ వ్య‌క్తికి పెట్టాడు. జగన్ చేసిన ప‌నికి ప్ర‌తి ఒక్క‌రు శ‌భాష్ అంటున్నారు.
