YS Sharmila Son : ఉమ్మడి ఆంధ్రప్రదేశ్‌ను పాలించిన గొప్ప ముఖ్యమంత్రుల్లో వై ఎస్ రాజశేఖర్ రెడ్డి ఒక‌రు అనే విష‌యం తెలిసిందే. ఆయన అత్యంత ప్రజాదరణ పొందిన నేత కాగా, ఆయన చేపట్టిన ఆరోగ్య శ్రీ, ఒక్క రూపాయికే బియ్యం వంటి పథకాలు అనేక రాష్ట్రాలు కూడా అనుసరిస్తున్నాయి. రాయలసీమలో పుట్టి వైద్య వృత్తిని చేపట్టి.. ప్రజల సేవ కోసం రాజకీయాల్లోకి అడుగుపెట్టిన మహానేత. ముఖ్యమంత్రిగా ఐదేళ్ల కాలంలో ప్రజా సంక్షేమ పథకాలు ఎన్నింటినో తెచ్చారు. అయితే రెండో సారి ముఖ్యమంత్రి పదవి బాధ్యతలు చేపట్టిన తర్వాత వైఎస్సార్ హెలికాప్టర్ ప్రమాదంలో మరణించ‌గా, ఆయన తనయ, తనయుడు షర్మిల, జగన్ మోహన్ రెడ్డిలు.
వైఎస్సార్ టిపి అధినేత్రిగా తనకంటూ గుర్తింపు తెచ్చుకొని ప్రజల సమస్యల కోసం పోరాడుతున్న వైఎస్ షర్మిల తెలంగాణలో తన పార్టీని బలోపేతం చేసుకోవడానికి ప్రజల్లో తిరుగుతూ పాదయాత్ర చేస్తూ వారి సమస్యలను తెలుసుకునే ప్రయత్నం చేస్తోంది. షర్మిల వ్యక్తిగత జీవితానికి వస్తే.. అనిల్ కుమార్ అనే వ్యక్తిని వివాహం చేసుకున్న సంగతి విదితమే. ఆయన జీసెస్ బోధనలు చేస్తుంటారు. వీరికి ఇద్దరు పిల్లలు. ఈ దంపతులకు రాజారెడ్డి, అంజలి రెడ్డి అనే పిల్లులున్నారు.ఇటీవ‌ల షర్మిల తన ఇద్ద‌ర పిల్ల‌ల‌తో ఇడుపలపాయకు వెళ్ల‌గా, ఆ రోజు ఇడుపుల పాయలో తన పేరుతో ఉన్న 9.53 ఎకరాలను కుమారుడు రాజారెడ్డి పేరుతో రిజిస్ట్రేషన్ చేశారు. ఇడుపులపాయ ఎస్టేట్‌ వ్యవహారాలు చూసే వెంగమునిరెడ్డి నుంచి షర్మిల కొనుగోలు చేసిన 2.12 ఎకరాల భూమిని కుమార్తె అంజలిరెడ్డి పేరిట రిజిస్ట్రేషన్ చేశారు.
అందులో షర్మిల కుమారుడ్ని చూసిన నెటిజన్లు, హీరో మెటీరియల్ అంటూ పొగిడేస్తున్నారు. కండలు తిరిగిన దేహరుఢ్యం, హైట్ చూసి స్టార్ హీరో రేంజ్ అంటూ నెటిజన్లు కామెంట్స్ చేస్తున్నారు. ఏం కటౌట్ రా బాబు కచ్చితంగా సినిమాల్లోకి వస్తే మాత్రం హీరోలకు కాంపీటీషన్ ఖాయం అని ఫన్నీగా మాట్లాడుతున్నారు. రాజారెడ్డిని సినిమాల్లో లాంచ్ చేసే పనుల్లో షర్మిల ఉన్నారనే వార్త వైరల్ అవుతోంది. ఇప్పటికే తెర వెనుక ప్రయత్నాలు జరుగుతున్నాయని… పూరి జగన్నాథ్ ఈ చిత్రానికి దర్శకత్వం వహించబోతున్నారని చెపుతున్నారు. ఈ చిత్రం యాక్షన్ ఓరియెంటెడ్ ఫ్యామిలీ డ్రామా అని కూడా అంటున్నారు. అయితే దీని గురించి అధికారికంగా ప్రకటన వెలువడాల్సి ఉంది.
