Jr NTR Sons : యంగ్ టైగ‌ర్ ఎన్టీఆర్ ట్రిపుల్ ఆర్ సినిమాతో మంచి పేరు ప్ర‌ఖ్యాత‌లు దక్కించుకున్నాడు. ఈ సినిమా కోసం రామ్ చ‌ర‌ణ్‌, ఎన్టీఆర్ చాలా క‌ష్ట‌ప‌డ్డారు. ఫ్యామిలీకి కూడా చాలా దూరంగా ఉండాల్సి వ‌చ్చింది. ఇక కొంత గ్యాప్ తర్వాత ప్రస్తుతం దేవర సినిమాలో నటిస్తున్న సంగతి మన అందరికీ తెలిసిందే. ఇక ఎన్టీఆర్ నటిస్తున్న ఈ సినిమాపై భారీ అంచనాలు నెలకొన్నాయి. కొర‌టాల‌వ శివ చిత్రాన్ని తెర‌కెక్కిస్తుండ‌గా, త‌ను తెర‌కెక్కించిన ఆచార్య సినిమా ఆశించిన స్థాయిలో ప్రేక్షకులను ఆకట్టుకోకపోవడంతో ఇప్పుడు జూనియర్ ఎన్టీఆర్ తో సినిమా చేసి తన సత్తా ఏంటో నిరూపించుకోవాలి అని అనుకుంటున్నాడు కొరటాల శివ. గతంలో వీరిద్దరి కాంబినేషన్లో వచ్చిన జనతా గ్యారేజ్ సినిమాతో మంచి హిట్ అందుకున్నారు.
చిత్రానికి దేవర అనే ఒక పవర్ఫుల్ టైటిల్ను ఈ సినిమాకి ఖరారు చేశారు. ఇక ఈ సినిమాలో జూనియర్ ఎన్టీఆర్ చాలా డిఫరెంట్ లుక్ తో అందరినీ ఆకట్టుకున్నాడు. సముద్రం బ్యాక్ డ్రప్ లో ఈ సినిమా ఉండబోతుందని పోస్ట‌ర్‌ని బ‌ట్టి క్లారిటీ వ‌చ్చింది. ఇక ఈ సినిమాతో పాటు బాలీవుడ్ చిత్రం వార్ 2లోను న‌టించ‌బోతున్నాడు ఎన్టీఆర్. ఇక రానున్న రోజుల‌లో చాలా టైట్ షెడ్యూల్ ఉండ‌నున్న నేప‌థ్యంలో కాస్త బ్రేక్ తీసుకున్నాడు ఎన్టీఆర్. తాతగారి శతజయంతి వేడుకలు పూర్తి చేసుకున్న తారక్.. సాయంత్రం ఫ్యామిలీతో వెకేషన్ కి వెళుతూ శంషాబాద్ విమానాశ్రయంలో మెరిశారు.
ప్రస్తుతం ఎన్టీఆర్ ఫ్యామిలీకి సంబంధించిన దృశ్యాలు సోషల్ మీడియాలో వైరల్ అవుతున్నాయి. తారక్ , లక్ష్మి ప్రణతి దంపతులు.. వారితో పాటు పిల్లలు భార్గవ్ రామ్, అభయ్ రామ్ క్యూట్ లుక్స్ లో కనిపిస్తున్నారు. చిన్న కొడుకు భార్గవ్ రామ్ అయితే తండ్రి చేయి పట్టుకుని విమానాశ్రయంలో బుడిబుడి అడుగులు వేస్తుండ‌డం ప్ర‌తి ఒక్క‌రిని ఆక‌ర్షించింది.. ఈ చిన్న వెకేషన్ పూర్తయ్యాక తిరిగి ఎన్టీఆర్ దేవర షూటింగ్ తో బిజీ కానున్నారు. ఈ చిత్రం తన కెరీర్ లోనే దేవర బెస్ట్ మూవీ అవుతుందని ఇప్పటికే కొరటాల మాట ఇవ్వడంతో అంద‌రు భారీ అంచ‌నాలే పెట్టుకున్నారు.
