Jr NTR : ఈ రోజు విశ్వ విఖ్యాత న‌ట‌సార్వ‌భౌమ నందమూరి తార‌క‌రామారావు శ‌త జ‌యంతి కాగా, అంత‌టా ఈ వేడుక‌ల‌ని ఘనంగా నిర్వ‌హిస్తున్నారు. తెలుగు దేశం పార్టీ నేతలు, అభిమానులు ప్ర‌తి ఒక్క‌రు కూడా తమ అభిమాన నాయకుడికి ఘనంగా నివాళులర్పించారు. హైదరాబాద్‌లోని నెక్లెస్ రోడ్డులోని ఎన్టీఆర్ మార్గ్‌లోని ఎన్టీఆర్ సమాధి వద్ద ఆయన కుటుంబ సభ్యులు శ్రద్దాంజలి ఘటించారు. అయితే ఎన్టీఆర్‌కు ఘనంగా నివాళులర్పించడానికి పెద్ద ఎత్తున అభిమానులు చేరుకోవడంతో తోపులాట జ‌రిగింది. అయితే ఎన్టీఆర్‌కు నివాళులర్పించడానికి ఆదివారం ఉదయం జూనియర్ ఎన్టీఆర్ అక్కడికి చేరుకోగా, అప్ప‌టికే అభిమానుల‌తో ఎన్టీఆర్ మార్గ్ కిక్కిరిసి పోయింది.
అయితే జూనియ‌ర్‌కి అక్కడికి చేరుకోడం చాలా ఇబ్బందిగా మారిన కూడా వారిని తోసుకొంటూ ముందుకు సాగారు. ఓ దశలో ఇద్దరు బొకేను ఎన్టీఆర్ సమాధిపై పెట్టడానికి తోసుకుంటుండగా.. వారిని పక్కకు తోసేసి ఎన్టీఆర్ ముందుకు సాగారు. అభిమానులు అడ్డుగా ఉండగానే ఎడమ చేత్తో గులాబీ రెక్కలను తీసుకొని.. కాస్త చిరాకుతో సమాధిపై పెట్టి మనస్పూర్తిగా నివాళులర్పించారు. అయితే తాతగారికి నివాళులర్పించే ప్రతీ క్షణంలో ఆయన ముఖంలో కోపం, అసంతృప్తి, అసౌకర్యం ముఖంలో స్ప‌ష్టంగా కనిపించింది. రకరకాల ఇబ్బందుల వల్ల ఎన్టీఆర్ మొక్కుబడిగా తాతకు నివాళులర్పించినట్ట‌గానే ఉంది.
అయితే ఎన్టీఆర్ అక్కడికి వ‌చ్చిన స‌మ‌యంలో అభిమానులు పెద్ద ఎత్తున నినాదాలు చేశారు. ఎన్టీఆర్ జై అంటూ అరుస్తూనే మ‌రోవైపు సీఎం సీఎం అంటూ గట్టిగా అరిచారు. అయితే అభిమానుల గోలను పట్టించుకోకుండా ఎన్టీఆర్ తన పనిని తాను ముగించుకొని అసంతృప్తిగానే అక్కడి నుంచి వెళ్లిపోయారు. అయితే ఎన్టీఆర్ నివాళులర్పించే కార్యక్రమం రసాభాసగా మారింది. స్వర్గీయ ఎన్టీఆర్‌కు నివాళులర్పించిన వారిలో ఎన్టీఆర్ కుటుంబ సభ్యులతోపాటు మంత్రి శ్రీనివాసయాదవ్, నటుడు రాజేంద్ర ప్రసాద్, చంద్రబాబు సతీమణి భువనేశ్వరి, తారకరత్న సతీమణి, ఆమె పిల్లలు, బాల‌కృష్ణ, త‌దిత‌రులు ఉన్నారు.
