Devara : ఆర్ఆర్ఆర్ సినిమాతో పాన్ ఇండియా స్టార్ డం సొంతం చేసుకున్న జూనియ‌ర్ ఎన్టీఆర్ ప్ర‌స్తుతం కొర‌టాల శివ ద‌ర్శ‌కత్వంలో మూవీ చేస్తున్న విష‌యం తెలిసిందే. ఈ చిత్రం భారీ బ‌డ్జెట్ తో అత్యంత ప్ర‌తిష్టాత్మ‌కంగా రూపొందుతుంది. ఈ సినిమా ఫ‌స్ట్ లుక్‌తో పాటు టైటిల్‌ని ఎన్టీఆర్ బ‌ర్త్ డే సంద‌ర్భంగా రివీల్ చేశారు మేక‌ర్స్. దాదాపు ఏడాదిన్న‌ర త‌ర్వాత ఎన్టీఆర్ మ‌ళ్లీ షూటింగ్ చేస్తోన్న సినిమా ఈ ‘దేవర’కాగా, ఈ సినిమాపై అంచ‌నాలు భారీగానే ఉన్నాయి. ఆర్ఆర్ఆర్ త‌ర్వాత ఈ సినిమా కోసం ఎన్టీఆర్ చాలా రోజులు పాటు వెయిట్ చేశారు. మంచి క‌థ కుదిరే వర‌కు ఎవరు ఎన్ని విమ‌ర్శ‌లు చేసినా, తొంద‌ర పెట్టినా ఆయ‌న కూల్‌గా ఉంటూ వ‌చ్చారు.
పెరిగిన ఇమేజ్ దృష్ట్యా మంచి స్క్రిప్ట్‌తోనే ఆడియెన్స్‌ను ఆయ‌న అల‌రించాల‌ని ఎన్టీఆర్ భావిస్తున్నారు. . రీసెంట్‌గానే కొర‌టాల శివ క‌థ నచ్చ‌డంతో సినిమాను సెట్స్ పైకి తీసుకెళ్లిపోయారు. తాజాగా విడుద‌లైన లుక్‌లో ఎన్టీఆర్.. నల్ల పంచె, చొక్కా, కాలికి, చేతికి కడియాలు, చేతిలో పెద్ద ఆయుధం పట్టి యోధుడిలా క‌నిపించాడు. అనిరుద్‌, ర‌త్న‌వేలు, శ్రీక‌ర్ ప్ర‌సాద్ వంటి టాప్ టెక్నీషియ‌న్స్ వ‌ర్క్ చేస్తున్నారు. వీరితో పాటు హాలీవుడ్ టెక్నిషియ‌న్స్ సైతం యాక్ష‌న్‌, విజువ‌ల్ ఎఫెక్ట్స్ వ‌ర్క్ చేస్తున్నట్టుగా తెలుస్తుంది. తాజాగా ఈ సినిమాకు సంబంధించి ఆస‌క్తిక‌ర‌మైన విష‌యం ఒక‌టి నెట్టింట వైరల్ అవుతుంది. అదేంటంటే..‘దేవర’ చిత్రంలో ఎన్టీఆర్ డ్యూయెల్ రోల్ చేస్తున్నార‌ట.
చిత్రంలో ఫ్లాష్ బ్యాక్‌లో వ‌చ్చే తండ్రి పేరే ‘దేవర’ అని టాక్. మ‌రి కొడుకు పాత్ర‌లోని ఎన్టీఆర్ పేరేంటో చూడాలి. అంటే ఎన్టీఆర్ రెండు లుక్స్‌లో మెప్పించ‌బోతున్నారు. ఇప్ప‌టికే ఆంధ్రావాలా, నా అల్లుడు, అదుర్స్ చిత్రాల్లో ఎన్టీఆర్ డ్యూయెల్ రోల్, జై ల‌వ‌కుశ‌లో అయితే ట్రిపుల్ రోల్‌లో మెప్పించిన విష‌యం తెలిసిందే. సముద్ర నేపథ్యంలో సాగుతుంది. హీరో క్యారెక్టర్ రాక్షసులను భయపెట్టే వీరుడిలా ఉంటుందన్నారు. ఇక దేవర ఎందుకు కత్తి పట్టాడు? తన శత్రువులు ఎవరు? వాళ్ళు తనకు లేదా తన వాళ్లకు చేస్తున్న అన్యాయం ఏమిటీ? అన్న విష‌యాల‌ని దేవ‌ర‌లో చూపించ‌నున్నాడు కొర‌టాల. ఇందులో సైఫ్ అలీ ఖాన్ విలన్ రోల్ చేస్తున్నారు.
