Sitara : ఈ మ‌ధ్య సెల‌బ్రిటీల పిల్ల‌లు కూడా అభిమానుల‌ని ఫుల్‌గా ఎంటర్‌టైన్ చేస్తున్నారు. ముఖ్యంగా మహేష్ బాబు ముద్దుల కూతురు సితార ఎప్ప‌టిక‌ప్పుడు త‌న‌లోని కొత్త టాలెంట్ పరిచయం చేస్తూ ప్రేక్షకులకి మంచి వినోదం పంచుతుంది. నిత్యం తనకు సంబందించిన ఫొటోస్, వీడియోలను ట్విటర్, ఇన్‌స్టాగ్రామ్‌ ఖాతాలలో షేర్ చేస్తూ అలరిస్తుంది. ‘సర్కారు వారి’ సినిమా ద్వారా లైమ్‌ లైట్‌లోకి వచ్చిన సితార.. ఎప్పటికపుడు స‌రికొత్త‌గా మహేష్ అభిమానులను అలరిస్తుంది. ఆ మ‌ధ్య ‘అతడు’. ఈ సినిమాలో ‘పిల్లగాలి అల్లరి ఒళ్లంత గిల్లి..’ అనే పాటకు త్రిష వేసిన స్టెప్పులను సితార వేసి అలరించింది. అచ్చు త్రిష వేసిన మాదిరిగానే స్టెప్స్ వేసి సీతూ పాప అదరగొట్టేసింది. సితార క్యూట్ డ్యాన్స్‌ వీడియోను సూపర్ స్టార్ మహేశ్‌ బాబు తన సోషల్ మీడియా ఖాతాలో షేర్ చేయ‌డంతో అది ఫుల్ వైరల్ అయింది.
ఇక తాజాగా సితార ట్రెడిషనల్ వేర్ ధరించి డాన్స్ వీడియో షేర్ చేసింది. ఇందులో ఆమె ఓ హిందీ పాటకు సీరియస్ గా ప్రాక్టీస్ చేస్తున్నారు. సితార క్లాసిక్ స్టెప్స్ ఎంతో ఆకట్టుకున్నాయి. క్యూట్ బేబీ డాన్స్ వీడియో చూసిన నెటిజన్లు చాలా అద్భుతంగా చేస్తున్నావు అంటూ కామెంట్స్ పెడుతున్నారు. ప్ర‌స్తుతం సితార వీడియో నెట్టింట తెగ హ‌ల్‌చ‌ల్ చేస్తుంది. సితార హంగామా చూస్తుంటే ఈ చిన్నారి త్వ‌ర‌లో వెండితెర ఎంట్రీ ఇచ్చిన కూడా ఆశ్చ‌ర్య‌పోన‌క్క‌ర్లేదు. సర్కారు వారి పాట మూవీలో ‘పెన్నీ’ సాంగ్ ప్రమోషనల్ వీడియోలో సితార నటించిన విషయం తెలిసిందే.
ఇప్ప‌టికే మహేష్ కొడుకు గౌతమ్ మహేష్ నటవారసుడిగా సిల్వర్ స్క్రీన్ కి పరిచయం అయిన విషయం తెలిసిందే. చైల్డ్ ఆర్టిస్ట్ గా గౌతమ్ వన్ నేనొక్కడినే చిత్రంలో నటించారు. ఇక సితార కూడా త్వ‌ర‌లో వెండితెర‌పై మెర‌వ‌నున్న‌ట్టు తెలుస్తుంది. ప్ర‌స్తుతానికి సినిమాల‌లో రాక‌పోయిన కూడా సోషల్ మీడియాలో సంద‌డి చేస్తుంది. తన యూట్యూబ్ ఛానల్ లో పిల్లలకు సంబంధించిన వీడియోలు, సోషల్ అవేర్నెస్ వీడియోలు పోస్ట్ చేస్తూ అంద‌రి దృష్టిని ఆక‌ర్షిస్తుంటుంది.. ఇక మహేష్ విష‌యానికి వ‌స్తే ప్ర‌స్తుతం త్రివిక్ర‌మ్ సినిమాలో చేస్తున్నాడు. తర్వాత రాజ‌మౌళితో చేయ‌నున్నాడు.
View this post on Instagram
