Anasuya : అందాల ముద్దుగుమ్మ అనసూయ ఈ మ‌ధ్య కుదురుగా ఉండ‌డం లేదు. కాంట్ర‌వ‌ర్సీస్‌తో హాట్ టాపిక్‌గా నిలుస్తూ అంద‌రి దృష్టిని ఆక‌ర్షిస్తుంది. అయితే అనసూయ- విజయ్ దేవరకొండ ఫ్యాన్స్ నడుమ నెలకొన్న వివాదం చిలికి చిలికి గాలివానలా తయారైంది. లైగ‌ర్ సినిమా ఫ్లాప్ అయిన‌ప్పుడు విజ‌య్‌ని టార్గెట్ చేస్తూ ప‌లు కామెంట్స్ చేసిన అనసూయ విజయ్ దేవరకొండ పేరు ముందు “The’ అని పెట్టడాన్ని తప్పుబడుతూ పరోక్షంగా ఓ ట్వీట్ పెట్ట‌డంతో నెట్టింట దుమ్ముదుమారం కొనసాగుతోంది. త‌మ హీరోని అనసూయ పరోక్షంగా తిడుతుంద‌ని తెలిసి ఆయ‌న ఫ్యాన్స్ అనసూయని ఓ రేంజ్‌లో ఏసుకుంటున్నారు.
తాజా వివాదంలో అనసూయ మీడియాపై కూడా నోరు పారేసుకుంది. కళ్లకి కూలింగ్ గ్లాస్‌లు పెట్టి.. బీభత్సమైన యాటిట్యూడ్ చూపిస్తూ తన ఫేస్ బుక్‌ స్టోరీలో వీడియో వదిలింది. ‘నస పెట్టను సూటిగా పాయింట్‌కి వచ్చేస్తా.. కొన్ని వెబ్ సైట్స్, యూట్యూబ్ ఛానల్స్.. మాలాంటి పబ్లిక్ ఫిగర్స్, పేరున్న వాళ్లపై వార్తలు రాసి పొట్ట నింపుకునేవాళ్ల కోసం నేను చెప్పబోతున్నాను. సో అండ్ సో ఫ్యాన్స్ అనసూయని ఏసుకున్నారు. సో అండ్ సో ఫ్యాన్స్ అనసూయని ఏడిపించారు.. ట్రోల్ చేశారు.. అని కాదు రాయాల్సింది. మీకింకా దునియా దారి తెలియదని చెప్తున్నా.. మీకు క్లారిటీ ఇస్తున్నా.. పడ్డవాడు ఎప్పుడూ చెడ్డ వాడు కాదు.. అన్నవాడి నోరే కంపు.. మీకు ధైర్యం ఉంటే.. ఉప్పు కారాలు తిని ఉంటే నిజం రాయండి అని ఘాటు కామెంట్స్ చేసింది.
నేను ధైర్యంగా నా అభిప్రాయం చెప్పడం జరిగింది. చేతకాని వాళ్లు అదుపుతప్పారు. ఇది మీరు రాయాల్సింది’ అంటూ బెటర్ లక్ నెక్స్ట్ టైం అనేసింది అనసూయ. అనసూయ తాజా వీడియోపై కూడా విజయ్ ఫ్యాన్స్ ఓ రేంజ్‌లో రియాక్ట్ అవుతున్నారు. నోరు కంపు గురించి అనసూయే మాట్లాడాలంటూ సెటైర్లు వేస్తున్నారు. ఏది ఏమైన ఈ వివాదానికి ఇప్ప‌ట్లో పులిస్టాప్ ప‌డేలా క‌నిపించ‌డం లేదు.
