Anikha Surendran : అజిత్ న‌టించిన విశ్వాసం చిత్రంలో ఆయ‌న కూతురిగా నటించింది అనికా సురేంద‌ర్.ఆమె ఇప్పుడిప్పుడే న‌టిగా ఎదిగేందుకు ప్ర‌య‌త్నం చేస్తుంది. అప్పుడు చిన్న పిల్ల‌గా న‌టించిన అనికా ఇప్పుడు పెద్ద న‌టీమ‌ణుల‌తో పోటీ ప‌డుతూ మంచి అవ‌కాశాలు అందిపుచ్చుకుంటుంది. ఈ అమ్మ‌డు ఇటీవ‌ల బుట్టబొమ్మ అనే సినిమాలో నటించింది. ఇక ఆమె చేసిన తెలుగు సినిమా కాపెలా భార‌తీయ రీమేక్ ఆమెకు మంచి పేరు తెచ్చిపెట్టింది. అయితే పలు భాష‌ల‌లో వైవిధ్య‌మైన సినిమాలు చేస్తున్న అనికా మ‌ర‌ణించింద‌ని సోష‌ల్ మీడియాలో ప్రచారం జ‌రుగుతుంది.
అనిక మ‌ర‌ణించిన పోస్ట‌ర్స్ ప్ర‌త్య‌క్షం కావ‌డంతో ఆమెకు అసలు ఏమైంది, ఏదైనా జరగకూడని ప్రమాదం జరిగిందా అని షాక్ కు గురవుతున్నారు. అయితే ఆ పోస్టర్ ఓ సినిమా కోసం చేసినదని తేలడంతో అభిమానులందరు ఊపిరి పీల్చుకున్నారు. అనికా సురేంద్రన్ నటించే, నటించబోయే సినిమాలు విజయవంతమవ్వాలని, అవకాశాలను అందిపుచ్చుకుని స్టార్ హీరోయిన్ అవ్వాలని అభిమానులు కోరుకుంటున్నారు. అయితే ఇటీవ‌లి కాలంలో బ్ర‌తికి ఉన్న‌ప్పుడే న‌టీన‌టుల‌ని చంపుతుండ‌డం మ‌నం చూస్తూనే ఉన్నాం. సోష‌ల్ మీడియాలో సెల‌బ్రిటీల త‌ప్పుడు వార్త‌లు ప్రచారం చేస్తూ అంద‌రిని టెన్ష‌న్‌కి గురి చేస్తున్నారు.
అనికా 2019లో విడుదలైన విశ్వాసం సినిమాలో అజిత్ కూతురిగా ఆమె అద్భుతంగా నటించింది. దీంతో.. తొలి సినిమాతోనే మంచి గుర్తింపును సంపాదించుకుంది. ఇక అప్పట్నుంచి అజిత్ రీల్‌ కూతురిగానే ఆమెను అందరూ గుర్తుపడుతున్నారు. ఈ సినిమా సక్సెస్‌ తర్వాత పలు తమిళం, మలయాళ సినిమాల్లో కూడా నటించి అల‌రించింది. తాజాగా తెలుగులో వచ్చిన బుట్టబొమ్మ సినిమాతో తెలుగులో కూడా ఈ అమ్మ‌డికి మంచి పేరు వ‌చ్చింది. మంచి అవ‌కాశాల కోసం అనికా ఎంతో ఆస‌క్తిగా ఎదురు చూస్తుంది. రానున్న రోజుల‌లో స్టార్ హీరోయిన్ కావాల‌ని ఈ అమ్మ‌డు అనుకుంటుంది.
