Naga Chaitanya : సమంత న‌టించిన తాజా చిత్రం శాకుంతలం భారీ అంచ‌నాల‌తో తెర‌కెక్కి ఇటీవ‌ల విడుద‌లైన విష‌యం తెలిసిందే. ఈ సినిమా మంచి విజ‌యం సాధిస్తుంద‌ని అంద‌రు అనుకున్నారు. కాని మూవీ దారుణంగా నిరాశప‌ర‌చింది. నాసిర‌కం గ్రాఫిక్స్, సమంత లుక్స్ మూవీ ల‌వ‌ర్స్‌ని చాల నిరాశ‌ప‌రిచాయి. అయితే ఈ సినిమాకి క‌నీసం పెట్టిన పెట్టుబ‌డి కూడా రావ‌డం క‌ష్ట‌మే అని టాక్ వినిపిస్తుండ‌గా, ఈ సినిమాకి ఇలాంటి టాక్ రావ‌డానికి నాగ చైత‌న్య అభిమానులే కార‌ణ‌మ‌ని బిగ్ బాస్ న‌టి సంచ‌ల‌న ఆరోప‌ణ‌లు చేసింది. ప్ర‌స్తుతం ఆమె కామెంట్స్ నెట్టింట వైరల్ అవుతున్నాయి.
బిగ్ బాస్ బ్యూటీ ఆరోహి సోషల్ మీడియాలో తన ఫ్యాన్స్‌తో ఎప్పుడూ ముచ్చ‌టిస్తూ ఉంటుంది. రకరకాల ఫోటో షూట్లు చేస్తూ అప్పుడప్పుడు ట్రోలింగ్‌ను కూడా ఎదుర్కొంటుంది. అయితే తాజాగా ఆరోహి తాను చూసిన సమంత శాకుంతలం సినిమా గురించి మాట్లాడింది. తన స్టైల్లో రివ్యూ ఇస్తూ.. ఈ సినిమా కొంచెం ల్యాగ్ ఉందని నేను కూడా ఒప్పుకుంటున్నాను.. పురాణాలు తెలిని వాడికి పంచతంత్రం కథలాగే అనిపిస్తది.. సమంత పర్ఫామెన్స్ బాగా లేదన్నోళ్లంతా కూడా చై ఫ్యాన్స్ కన్ఫామ్.. ఉన్నది ఉన్నట్టు తీశారు కదా?.. మసాలా ఏసి మాంచి ఫిక్షన్ యాడ్ చేస్తే చూసేవాళ్లు.. అర్హ చాలా బాగుంది కానీ.. అర్హ కన్నా అద్భుతంగా చేసేవాళ్లు అవకాశాల కోసం చూసేటోళ్లు చాలా మంది ఉన్నారు.. ఓవరాల్‌ యావరేజ్ మూవీ.. ఫ్లాప్ అయితే కాదు.. నా వరకు అంటూ రివ్యూ ఇచ్చింది.
మ‌రి దీనిపై నాగ చైత‌న్య అభిమానులు ఎలా స్పందిస్తార‌నేది ఇప్పుడు హాట్ టాపిక్ గా మారింది. అయితే శాకుంతలం సినిమా రిలీజ్ కాక ముందే నెగెటివ్ టాక్ మూటగట్టుకుంది. పదే పదే వాయిదాలు పడుతూ వస్తుండటంతో.. సినిమా మీద బ్యాడ్ ఇమేజ్ ఏర్పడింది. టీజర్, ట్రైలర్, పాటలు ఏవీ కూడా ఇంపాక్ట్ చూపించలేక‌పోయాయి. అయితే శాకుంతలం సినిమాను కాస్త ముందుగానే ప్రీమియర్ వేయ‌గా, అప్ప‌టి నుండే ఈ సినిమాకి నెగెటివ్ టాక్ వ‌చ్చింది. సినిమా థియేట‌ర్స్ లోకి వ‌చ్చాక దారుణ‌మైన నిరాశ‌ని మిగిల్చింది.
