Aadipurush : ప్రభాస్, కృతి సనన్ ప్ర‌ధాన పాత్ర‌ల‌లో ఓం రౌత్ తెర‌కెక్కిస్తున్న చిత్రం ఆదిపురుష్. రామాయణ గాధతో తెరకెక్కుతున్న ఈ చిత్రంపై ఎన్నో అంచనాలు అభిమానుల్లో ఉండేవి. ఇటీవ‌ల టీజర్ విడుదలయ్యాక అంచనాలన్నీ తలక్రిందులు అయ్యాయి. గ్రాఫిక్స్ మాయలో పడి రామాయణాన్ని, ఆ పాత్రలని కించపరిచారు అంటూ విమర్శలు ఎదుర్కొంటున్నాడు. అస‌లు ఈ ఏడాది సంక్రాంతికి విడుదల కావలసిన ఈ చిత్రం నెగిటివ్ ఇంపాక్ట్ కారణంగా జూన్ కి వాయిదా వేసారు. ప్ర‌స్తుత ప‌రిస్థితి చూస్తుంటే అప్పుడు కూడా వస్తుందో రాదో క్లారిటీ లేదు.
శ్రీరామనవమి సందర్భంగా గురువారం చిత్ర యూనిట్ పోస్టర్ రిలీజ్ చేశారు. టీజర్ కి ఎలాంటి విమర్శలు ఎదురయ్యాయో పోస్టర్ ని కూడా నెటిజన్లు అదే విధంగా ట్రోల్ చేస్తున్నారు. ఈ కొత్త పోస్టర్లో రాముడు, సీత, లక్ష్మణుడు, హనుమంతుడు ఉన్నారు. ప్రభాస్, కృతి సనన్తో పాటు లక్ష్మణుడు, ఆంజనేయుడి పాత్రలు ఉన్నాయి. అయితే పోస్టర్లో క‌ళ ఏ మాత్రం లేదు. గ్రాఫిక్ పోస్టర్లాగే ఉండటంతో మరోసారి ‘ఆదిపురుష్’ మేకర్స్ మీద ట్రోల్స్ వచ్చాయి. అలాగే అందులో సీతమ్మ తల్లి మెడలో తాళి, ఆభరణాలు లేకపోవడం, కాళ్లకు మెట్టెలు లేకపోవడం, లక్ష్మణుడికి పూర్తిగా గడ్డం ఉండటంతో నెటిజ‌న్స్ మ‌ళ్లీ ట్రోలింగ్ మొద‌లు పెట్టారు.
రామాయణం, రాముడు, సీత అంటే ప్రేక్షకుల్లో ఒక ఇమేజ్, అంచనాలు ఉంటాయి. వాటికి భిన్నంగా పురాణాలతో ప్రయోగాలు చేస్తానంటే కుదరదు అని నెటిజన్లు ఓం రౌత్ పై చివాట్లు కురిపిస్తున్నారు. మరికొందరు ఫ్యాన్స్ ఓం రౌత్ నీవు ఇక మారవా అంటూ దుమ్మెత్తి పోస్తున్నారు. ఈ విమర్శలకు కారణం అయిన టీజర్ లో కూడా ఎక్కడా ఇది రామాయణం అనే భావన మచ్చుక కూడా కనిపించ‌కుండా చూపించ‌కపోవ‌డ‌మే. ఇక సైఫ్ అలీ ఖాన్ పోషిస్తున్న రావణుడి పాత్ర గురించి ఎంత తక్కువ మాట్లాడుకుంటే అంత మంచిది. రావణుడి లుక్ ఎవరో మాయలఫకీరుని చూసినట్లు ఉందని, టెర్రరిస్ట్ లుక్ ల ఉందని దారుణంగా విమర్శలు చేశారు.
