Avatar 2 : హాలీవుడ్ టాప్ డైరెక్టర్ జేమ్స్ కామెరూన్ తెరకెక్కించిన బిగ్గెస్ట్ విజువల్ వండర్ మూవీ ‘అవతార్-ది వే ఆఫ్ వాటర్ . గత సంవత్సరం డిసెంబర్‌ నెలలో విడుదలైన ఈ సినిమా ప్రపంచ బాక్సాఫీస్‌ వద్ద ఎంత ప్ర‌భంజ‌నం సృష్టించిందో ప్ర‌త్యేకంగా చెప్ప‌న‌క్క‌ర్లేదు. అయితే ఇన్ని నెలలు థియేటర్‌ ఆడియన్స్‌ అలరించిన ఈ సినిమా ఇప్పడు ఓటీటీ ప్రేక్షకులను పండోరా గ్రహానికి తీసుకెళ్లేందుకు సిద్ధ‌మైంది. ఈ సినిమా డిజిటల్‌ రైట్స్‌ని ప్రముఖ ఓటీటీ సంస్థ అయిన డిస్నీ ప్లస్ హాట్‌స్టార్‌ భారీ రేటుకు సొంతం చేసుకోవడం జరిగింది.కానీ ఒక్క హాట్‌స్టార్‌లోనే కాకుండా పలు ఓటీటీల్లో సందడి చేసేందుకు రేడీ అయ్యింది.
అవతార్ 2 సినిమా ప్రస్తుతం యాపిల్ టీవీ , ప్రైమ్ వీడియో, వుడు, గూగుల్ ప్లే, ఫైనిటి, ఎఎమ్ సీ అండ్ మైక్రోసాఫ్ట్ ఫ్లాట్ ఫామ్స్‌లో పే ఫర్ వ్యూ పద్దతిలో స్ట్రీమింగ్ అవుతోంది. చూాడాలంటే రెంటల్ ధర: $19.9 డాలర్స్ లేక 1639 రూపాయలు చెల్లించాలి . యాపిల్ టీవీ ప్లస్ లేదా ఐ ట్యూన్‌లో అవతార్ 2ని ఒకసారి చూడటానికి వినియోగదారులు రూ.590 చెల్లించాలి. యూట్యూబ్ లో హెచ్ డీ వ‌ర్షెన్ కోసంరూ. 850 , ఎస్ డీ వెర్షన్‌కు 690 రూపాయలు చెల్లించాల్సి ఉంటుంది.అయితే ఈ సినిమాను ఏప్రిల్ 28నుంచి ఫ్రీగా చూడొచ్చ‌ని అంటున్నారు.. డిస్నీ హాట్ స్టార్ తన సబ్క్రైబర్స్ కోసం ఏప్రిల్ 28నుంచి అవతార్ 2 స్ట్రీమింగ్ చేయనుందని తెలుస్తోంది. ఈ సినిమా హాట్ స్టార్ తెలుగుతో పాటు ఇంగ్లీష్, తమిళ్, హిందీ భాషల్లో అందుబాటులోకి రానుంది. ఈ విషయంలో త్వరలో ఓ ప్రకటన విడుదలకానుంది.
వరల్డ్ వైడ్’గా 2 బిలియన్ డాలర్స్‌ను రాబట్టిన ఈచిత్రం.. క్లోజింగ్ కలెక్షన్స్‌ను చూస్తే.. తెలుగు రాష్ట్రాల్లో ఈ మూవీ క్లోజింగ్ కలెక్షన్స్ విషయానికి వస్తే.. నైజాంలో 31.46 కోట్లు, సీడెడ్ 7.01 కోట్లు, ఉత్తరాంధ్ర 8.13 కోట్లు, ఈస్ట్+ వెస్ట్ 3.68 కోట్లు, కృష్ణా +గుంటూరు 7.11 కోట్లు, నెల్లూరు 3.35 కోట్లు, మొత్తంగా తెలుగు రాష్ట్రాల్లో 60.74 కోట్ల షేర్ వసూలు అయ్యిందని అంటున్నాయి ట్రేడ్ వర్గాలు. ఇండియాలో దాదాపుగా అన్ని ప్రధాన భాషల్లో కూడా విడుదలైంది. తెలుగు వర్షన్‌కు ప్రముఖ తెలుగు యువ దర్శకుడు, నటుడు అవసరాల శ్రీనివాస్ డైలాగ్స్ రాశారు. దీంతో సినిమాపై మరింత క్రేజ్ పెరిగింది. ఇక ఈ సినిమా కలెక్షన్స్ విషయానికి వస్తే.. అవతార్ 2 తెలుగు రాష్ట్రాల్లో మంచి వసూళ్లను రాబట్టింది.
