Samantha : ఎంతో క‌ష్ట‌ప‌డి టాలీవుడ్ స్టార్ హీరోయిన్‌గా మంచి రేంజ్‌కి చేరుకున్న తర్వాత స‌మంత‌కి అనేక క‌ష్టాలు ఎదుర‌య్యాయి. ఇంట్లో వివాహ జీవితంలో ఏర్పడిన విభేదాలతో ఆమె ఎంతో బాధపడింది. చివరికి భర్త నాగచైతన్యతో విడిపోయి మాన‌సిక వేద‌న అనుభ‌వించింది.ఇక ఆ బాధ నుండి తేర‌కొని ఆల్మోస్ట్ విజయం సాధించిందనే చెప్పాలి. అంతా సెట్ అవుతుందనుకునే సమయంలోనే అనారోగ్యం ఆమెని మరింత కుంగదీసింది. మయోసైటిస్ జబ్బు వ‌ల‌న సమంత చాలా ఇబ్బందులు ప‌డింది. తన పరిస్థితి గురించి చెబుతూ ఆ మ‌ధ్య ఓ ఇంటర్వ్యూలో కన్నీళ్లు పెట్టుకుంది. అది అభిమానులనే కాదు, సాధారణ ప్రజలను సైతం కదిలించింది. అయ్యో అనిపించింది.
ఎట్టకేలకు మయోసైటిస్ వ్యాధిపై పోరాటం చేసి గెలిచిన సమంత ప్ర‌స్తుతం వ‌రుస సినిమాలు చేస్తూ ఫుల్ బిజీగా ఉంది. సమంత అప్‌కమింగ్ మూవీ ‘శాకుంతలం’. భారీ బడ్జెట్‌తో తెరకెక్కిన ఈ మైథలాజికల్ చిత్రానికి గుణశేఖర్ దర్శకుడు. గుణ టీమ్ వర్క్స్ పతాకంపై నీలిమ గుణ, దిల్ రాజు నిర్మించారు. ఇప్పటికే రెండు సార్లు రిలీజ్ డేట్ వాయిదా వేసిన మేకర్స్.. ఎట్టకేలకు ‘శాకుతలం’ చిత్రాన్ని ఏప్రిల్ 14న విడుదల చేసేందుకు స‌న్నాహాలు చేస్తున్నారు. రిలీజ్ డేట్ దగ్గర పడుతుండటంతో ప్రమోషన్స్‌లో వేగం పెంచింది మూవీ టీమ్. ఈ క్రమంలోనే సామ్ లేటెస్ట్ ఇంటర్వ్యూ వీడియోను ఎడిట్ చేసిన ఒక ఫ్యాన్.. సమంతకు ట్యాగ్ చేస్తూ ఒక ప్రశ్న అడిగారు.
‘ఇలా అడగడం సమంజసం కాదని తెలుసు. కానీ మీరు ఎవరితోనైనా డేట్ చేయండి అని ఫ్యాన్ స‌మంత‌కి సూచించారు. దీనికి ‘నన్ను మీలాగా ఎవరు ప్రేమిస్తారు’ అంటూ రిప్లయ్ ఇచ్చిన సామ్.. హార్ట్ సింబల్ ఎమోజీని జత చేసింది. కాగా.. అభిమానికి సమంత ఇచ్చిన రిప్లయ్ నెటిజన్లు హృదయాలను గెలుచుకుంటోంది. ఇదిలా ఉంటే, భర్త నాగ చైతన్యతో విడిపోయిన తర్వాత సమంత ప్ర‌స్తుతం ఒంట‌రిగా ఉంటుంది. ఆధ్యాత్మిక ధోర‌ణి పెంచుకున్న సమంత వ‌రుస సినిమాలు చేస్తూ చాలా బిజీగా ఉంటుంది.
