Allu Arjun Multiplex : ఇటీవ‌ల హీరోలు ఒక‌వైపు సినిమాలు చేస్తూనే మ‌రోవైపు బిజినెస్‌పై దృష్టి సారిస్తున్నారు. ఈ క్ర‌మంలో మ‌హేష్ బాబు, విజ‌య్ దేవ‌ర‌కొండ వంటి వారు థియేటర్ రంగంలోకి అడుగుపెట్ట‌గా, ఇప్పుడు అల్లు అర్జున్ టైం వ‌చ్చింది. త్వరలోనే ఏఏఏ అనే పేరుతో మ‌ల్లీ ప్లెక్స్ ప్రారంభించ‌నున్నాడు.’పుష్ప’ ఘనవిజయంతో మంచి స్వింగ్ లో ఉన్న ఐకాన్‌ స్టార్ అల్లు అర్జున్ హైదరాబాద్‌ అమీర్‌పేటలో భారీ మల్టీప్లెక్సును నిర్మిస్తుండ‌గా, ఇది త్వరలోనే ఓపెనింగ్ అవడానికి సిద్ధంగా ఉంది. ప్రస్తుతం దీనికి సంబంధించిన ఫొటోలు సోషల్ మీడియాలో వైరల్ గా మారాయి. ‘ఏషియన్ సత్యం మాల్’ అండ్ మల్టీప్లెక్స్.. త్వరలోనే గొప్ప ప్రారంభం కాబోతోంది అని రాసివుంది.
అయితే థియేటర్ ప్ర‌త్యేక‌త‌లు వింటే మైండ్ బ్లాక్ అయిపోతుంది. ఫుల్ ఎల్‌ఈడీ ప్రొజెక్షన్‌ స్క్రీన్ సౌకర్యం ఈ థియేటర్‌లో అందుబాటులో ఉండనుంది. సౌతిండియాలోనే ఫుల్ ఎల్‌ఈడీ ప్రొజెక్షన్‌ స్క్రీన్ సౌకర్యమున్న రెండో థియేటర్‌గాఈ థియేటర్ ఉండ‌నుండ‌గా, ఇందులో ఇమేజ్‌ను ప్రొజెక్ట్ చేసేందుకు పూర్తిస్థాయిలో ఎల్‌ఈడీ స్క్రీన్‌ను వినియోగించనున్నారు. ఇక అల్లు అర్జున్ వర్చువల్ ఇమేజే ని ఇందులో ఏర్పాటు చేయనుండడం విశేషం. ఇప్పటి వరకు ఏ స్టార్ హీరోకి కూడా ఇలా థియేటర్ లో వర్చువల్ ఇమేజ్ లేదు. దీని ముందు నించొని ఎవరు ఎలా చేస్తే ఆ బొమ్మ అలా రియాక్ట్ అవుతుందని సమాచారం.
అల్లు అర్జున్ ప్రస్తుతం సుకుమార్‌ డైరెక్షన్‌లో పుష్ప.. ది రూల్ సినిమాలో నటిస్తున్నాడు. ఈ చిత్రం బాక్సాఫీస్‌ వద్ద బ్లాక్ బస్టర్‌ హిట్‌గా నిలిచిన పుష్ప.. ది రైజ్‌కు సీక్వెల్‌గా వస్తోంది. తాజా టాక్‌ ప్రకారం ఈ మూవీ ప్రస్తుతం హైదరాబాద్‌లో షూటింగ్ జరుపుకుంటోంది. మ‌రోవైపు సందీప్ రెడ్డి వంగా ద‌ర్శ‌కత్వంలోను ఓ మూవీ చేయ‌నున్నాడు అల్లు అర్జున్. ఈ చిత్రానికి భ‌ద్ర‌కాళి అనే టైటిల్ ప‌రిశీలిస్తున్న‌ట్టు తెలుస్తుంది. ఇక పాన్ ఇండియా స్టార్‌గా మారిన బ‌న్నీ రానున్న రోజుల‌లో భారీ బ‌డ్జెట్ చిత్రాలే చేయ‌నున్నాడు.
