Pathan Movie : బాలీవుడ్ బాద్ షా షారూఖ్ ఖాన్ ఒక‌ప్పుడు లవ్ స్టోరీ మూవీలకే ప్రాధాన్యం ఇచ్చేవాడు.. క్రమంగా పంథాను మార్చుకుని ప్రయోగాలు చేస్తూ వస్తున్నాడు. అలా సుదీర్ఘ కాలంగా వరుసగా సినిమాల మీద సినిమాలు చేస్తూ వ‌స్తున్న ఆయ‌న ఇటీవ‌లి కాలంలో విజయాలను అందుకోవడంలో విఫలం అవుతోన్ననేప‌థ్యంలో కొంత గ్యాప్ తీసుకొని పఠాన్ అనే సినిమాతో ప్రేక్ష‌కుల‌ని ప‌ల‌క‌రించాడు. రిపబ్లిక్ డే కానుకగా జనవరి 25వ తేదీన ప్రేక్షకుల ముందుకు వచ్చింది. ఈ సినిమాకి ప్రపంచ వ్యాప్తంగా మంచి టాక్ వచ్చింది. షారూఖ్ నటించిన ఈ మూవీ ఐదారు వారాల నుంచి బాక్సాఫీస్ వద్ద కలెక్షన్ల వర్షం కురిపించింది.
పఠాన్ చిత్రం ప‌లు రికార్డులు కొల్ల‌గొట్ట‌డ‌మే కాక నిర్మాత‌ల‌కు మంచి లాభాలు తెచ్చిపెట్టింది.ఈ సినిమా ఎప్పుడెప్పుడు ఓటీటీలోకి వ‌స్తుందా అని ప్ర‌తి ఒక్క‌రు ఎంతో ఆస‌క్తిగా ఎదురు చూడ‌సాగారు. ఈ క్రమంలో పఠాన్ సినిమాను ప్రముఖ ఓటీటీ ప్లాట్‌ఫాం అమెజాన్ ప్రైమ్ భారీ రేటుకు కొనుగోలు చేసినట్లు తెలుస్తోంది. బాలీవుడ్ వర్గాల సమాచారం ప్రకారం ఈ సినిమాను ఏప్రిల్ 25 నుంచి ఓటీటీలో స్ట్రీమింగ్ చేయడానికి రెడీ అవుతున్నట్టు తెలుస్తోంది. హిందీతో పాటు తెలుగు, తమిళ, కన్నడ, మలయాళ భాషల్లో ఒకేసారి ఈ సినిమాను ఓటీటీ స్ట్రీమింగ్ చేసేందుకు అమెజాన్ ప్రైమ్ ప్లాన్ చేస్తున్న‌ట్టు వినికిడి.
బాలీవుడ్ బాద్ షా షారుక్ ఖన్ హీరోగా నటించిన పఠాన్ మూవీలో బాలీవుడ్ సీనియర్ బ్యూటీ.. దీపికా పదుకొనే హీరోయిన్‌గా నటించింది. జాన్ అబ్రహం విలన్ క్యారెక్టర్ లో నటించగా.. ఇందులోని యాక్షన్, షారుక్ పవర్‌ప్యాక్డ్ పర్ఫార్మెన్స్ బాలీవుడ్ జనాలకు బాగా న‌చ్చేయ‌డంతో మూవీ కలెక్షన్ల సునామీ సృష్టించింది. ఇందులో స్టార్ హీరో సల్మాన్ ఖాన్ గెస్ట్ రోల్‌ చేశాడు. విశాల్ శేఖర్ దీనికి మ్యూజిక్ అందించారు. ఈ చిత్రాన్ని యశ్ రాజ్ ఫిల్మ్స్ బ్యానర్‌పై ఆదిత్య చోప్రా నిర్మించారు. ఓటీటీలో ఈ మూవీ ఎలాంటి ఫ‌లితం అందుకుంటుందో చూడాల్సి ఉంది.
