Janhvi Kapoor : అతిలోక సుందరి శ్రీదేవి ముద్దుల త‌న‌య జాన్వీ కపూర్ ప్ర‌స్తుతం బాలీవుడ్‌లో ర‌చ్చ‌చేస్తున్న విష‌యం తెలిసిందే. తెలుగులోకి ఎప్పుడు ఎంట్రీ ఇస్తుందా అని ప్ర‌తి ఒక్క‌రు ఎంతో ఆస‌క్తిగా ఎదురు చూస్తున్న నేప‌థ్యంలో ఎన్టీఆర్ హీరోగా కొర‌టాల శివ ద‌ర్శ‌క‌త్వంలో రూపొంద‌నున్న సినిమాతో జాన్వీక‌పూర్ టాలీవుడ్‌లోకి ఎంట్రీ ఇస్తుంది. తొలుత ఈ సినిమాలో అలియాభ‌ట్ హీరోయిన్‌గా న‌టించ‌నున్న‌ట్లు ప్ర‌చారం జ‌రిగింది. అలియా కూడా ఎన్టీఆర్ సినిమా కోసం త‌న‌ను చిత్ర యూనిట్ సంప్ర‌దించిన మాట వాస్త‌వ‌మేన‌ని వెల్ల‌డించింది. కానీ పెళ్లి, ప్రెగ్నెన్సీ వ‌ల్ల ఆమె ఈ సినిమా నుంచి వైదొలిగింది.
అలియా స్థానంలో మ‌రో హీరోయిన్ కోసం చిత్ర యూనిట్ చాలా కాలంగా అన్వేష‌ణ సాగించ‌గా, నేష‌న‌ల్ క్ర‌ష్ ర‌ష్మిక మంద‌న్న పేరు వినిపించింది. కానీ సౌత్‌, బాలీవుడ్ సినిమాల‌తో ఆమె డేట్స్ అడ్జెస్ట్ కావ‌డం క‌ష్టం కా్పోవ‌డంతో చివ‌రికి వారంద‌రిని కాద‌ని ఈ అవ‌కాశం జాన్వీక‌పూర్‌ను వ‌రించిన‌ట్లు స‌మాచారం. ఎన్టీఆర్ సినిమా కోసం జాన్వీ కపూర్ ఎంత రెమ్యూనరేషన్ తీసుకుంటుంది అన్న దానిపై ఎన్నో రకాల వార్తలు ఇప్పుడు నెట్టింట హ‌ల్‌చ‌ల్ చేస్తున్నాయి. తాజా స‌మాచారం ప్ర‌కారం ఈ మూవీ కోసం ఆమె ఏకంగా రూ. 5 కోట్లు చార్జ్ చేస్తుందట.
‘ప్రాజెక్టు K’ మూవీ కోసం దీపికా పదుకొణె ఏకంగా రూ. 10 కోట్లు తీసుకుంటుండ‌గా, ఆమె తర్వాత అత్యధిక మొత్తం చార్జ్ చేస్తున్న హీరోయిన్‌గా జాన్వీ కపూర్ నిలిచినట్లు ఫిలిం నగర్ వర్గాల్లో టాక్ వినిపిస్తోంది. తెలుగులో టాప్ హీరోయిన్లు, ర‌ష్మిక మంద‌న్న, పూజాహెగ్డే కంటే ఎక్కువ రెమ్యున‌రేష‌న్‌ను జాన్వీ అడిగిన‌ట్టు తెలుస్తుండ‌గా, ఇప్పుడు ఈ విష‌యం తెలుసుకున్న చాలా మంది నోరెళ్ల‌పెడుతున్నారు. ఇక పాన్ ఇండియా రేంజ్‌లో రూపొందుతున్న ఈ మూవీని నందమూరి తారక రామారావు ఆర్ట్స్, యువసుధ ఆర్ట్స్ బ్యానర్లు సంయుక్తంగా నిర్మిస్తున్నాయి. దీనికి కోలీవుడ్ యంగ్ సెన్సేషన్ అనిరుథ్ మ్యూజిక్ ఇస్తున్నాడు. ఇందులో సైఫ్ అలీ ఖాన్ విలన్‌గా నటిస్తున్నట్లు టాక్ వినిపిస్తోంది. దీన్ని 2024 ఏప్రిల్ 5వ తేదీన విడుద‌ల చేయ‌నున్నారు.
