Chiranjeevi : స్వ‌యంకృషితో టాలీవుడ్‌లో అంచెలంచెలుగా ఎదిగిన హీరో చిరంజీవి. కెరీర్‌లో వైవిధ్య‌మైన క‌థ‌ల‌ని ఎంపిక చేసుకుంటూ మెగాస్టార్‌గా ఎదిగారు చిరు. ప్ర‌స్తుతం కుర్ర హీరోల‌కి పోటీగా సినిమాలు చేస్తున్నారు. త‌న కెరీర్‌లో ఎంతో మంది డైరెక్ట‌ర్స్‌తో ప‌ని చేశారు చిరు. అయితే ప‌లు సంద‌ర్భాల‌లో వ‌ర్మ‌తో కలిసి చేసే అవ‌కాశం వ‌చ్చిన కూడా అది చేజారిపోయింది. శివ సినిమాతో వర్మకు ఎంత గుర్తింపు వచ్చిందో.. హిందీలో ఈ రంగీలా సినిమాతో ఆయా రేంజ్ గుర్తింపునే సంపాదించుకున్నాడు వర్మ. రంగీలా సినిమాని తెలుగులో చిరంజీవి, రజినీకాంత్, శ్రీదేవి కలిసి చేయాల‌నుకున్నాడ‌ట వర్మ. కాని అది కుద‌ర‌లేదు.
ఇటీవ‌ల అశ్వినీదత్ దీనికి సంబంధించి ఓ విష‌యం వెల్ల‌డించాడు. శివ సినిమా హిట్ అయిన తర్వాత నాతో సినిమా చేయాలనీ వర్మకు నేను అడ్వాన్స్ ఇచ్చాను . ఆ స‌మ‌యంలో వర్మ నాకు రంగీలా, గోవిందా గోవిందా సినిమా కథలు చెప్పారు. ఇందులో రంగీలా రజిని, చిరు, శ్రీదేవితో కలిసి తీస్తే బాగుంటుంది అని వర్మ అనుకున్నాడు. కానీ నాకు గోవిందా గోవిందా సినిమా కథ నచ్చింది. వెంకటేశ్వరుని హుండీ చుట్టూ ఆ కథ తిరుగుతుంది. అందుకే నేను ఆ సినిమాను ఓకే చేసి నాగార్జునతో తీసాను.
కానీ రంగీలా సినిమాలో కథ మొత్తం శ్రీదేవి చుట్టూ తిర‌గ‌డంతో అందులో చిరు, రజిని పాత్రలు అనేవి అంత ఇంపాక్ట్ చూపించవు అని అనుకున్నాను. అందుకే నేను ఈ సినిమా తీయలేదు అని అశ్వినీదత్ పేర్కొన్నారు. కానీ ఆ తర్వాత అదే రంగీలా సినిమాను వర్మ బాలీవుడ్ లో జాకీ ష్రాఫ్, ఆమీర్ ఖాన్, ఊర్మిళతో తీయ‌గా అది ఎంత పెద్ద సంచ‌ల‌న విజ‌యం సాధించిందో ప్ర‌త్యేకంగా చెప్ప‌న‌క్క‌ర్లేదు. రంగీలా సినిమా బాలీవుడ్ ను షేక్ చేసింది. ఇక్కడ గోవిందా గోవిందా ప్లాప్ అయ్యింది. అయితే ఒక‌ప్పుడు టాలీవుడ్ మోస్ట్ డైరెక్ట‌ర్‌గా ఉన్న వర్మ ఇప్పుడు మాత్రం అన్ని బూతు చిత్రాలు చేస్తూ విమ‌ర్శ‌ల బారిన ప‌డుతున్నాడు.
