రీల్ విల‌న్ క‌రోనా త‌ర్వాత రియల్ హీరోగా మారాడు. క‌రోనా స‌మ‌యంలో ఆయన చేసిన సేవ‌లు అన్నీ ఇన్నీ కావు. ఆప‌ద వచ్చిన వారికి అండ‌గా నిలుస్తూ ఎంతో మందికి చేదోడు వాదోడుగా నిలిచారు. లక్షల మందికి సాయం చేసిన ఈ రియల్ హీరో.. ఎప్ప‌టిక‌ప్పుడు ఏదో ఒక వార్త‌తో వార్త‌ల‌లో నిలుస్తూనే ఉంటారు. తాజాగా ఆయన హైదరాబాద్ లో సందడి చేశారు. భోజన ప్రియులుకు నోరూరించే వంటకాల రుచులను ఆతిధ్యం అందిస్తున్న ‘జిస్మత్ జైల్ మండి థీమ్ రెస్టారెంట్’ హైదరాబాద్ లోని కొండాపూర్ సర్కిల్ లో కొనసాగుతోంది.
జిస్మత్ జైల్ మండి థీమ్ రెస్టారెంట్ లో ఇండియాస్ బిగ్గెస్ట్ ప్లేట్ లంచ్ కార్యక్రమాన్ని నిర్వాహకులు ఏర్పాటు చేయ‌గా, ఈ కార్యక్రమానికి ముఖ్య అతిథిగా బాలీవుడ్ స్టార్ హీరో సోనూసూద్ వెళ్లారు బిగ్గెస్ట్ మండి ప్లేట్ ను గ్రాండ్ గా లాంచ్ చేశారు. కార్యక్రమం లో ఆయన వెంట నటి హిమజ, ఇన్స్టాగ్రామర్ పద్దు పద్మావతి, తదితరులు కూడా పాల్గొన్నారు. కొండాపూర్ లో ఉన్న జిస్మత్ అరబిక్ రెస్టారెంట్ లో ప్రపంచంలోనే అతిపెద్ద సోనూ సూద్ మండి ప్లుట్ ను ఆయన శనివారం ప్రారంభించారు. ఈప్లేట్ లో ఒకేసారి 15 మందికి సర్వ్ చేసే అవకాశం కలదు. ఇక హైదరాబాద్ కు వచ్చిన సందర్భంగా సోనూసూద్ కు తెలుగు ఫ్యాన్స్ గ్రాండ్ గా వెల్కమ్ పలికారు. ఇందుకు సంబంధించిన వీడియోలు, ఫొటోలు నెట్టింట వైరల్ అవుతున్నాయి.
ఇంత పెద్ద ప్లేట్ కలిగిన రెస్టారెంట్.. దేశంలో ఇదే మొదటిదని నిర్వాహకులు చెప్పారు. త్వరలో విజయవాడ, గుంటూరు, నెల్లూరుతో పాటు బెంగళూరులోని తమ బ్రాంచీల్లో ‘సోనూసూద్ బిగ్గెస్ట్ ప్లేట్ బిర్యానీ’ని అందుబాటులోకి తీసుకువస్తామని వారు తెలిపారు. హైదరాబాద్ విభిన్న రుచులకు కేరాఫ్‌ అడ్రస్‌గా నిలుస్తోంది. నగరంలో ఇప్పుడు నా పేరు మీద ఇండియాస్ బిగ్గెస్ట్ ప్లేట్ బిర్యానీని తీసుకురావడం ఎంతో ఆనందంగా ఉంది. జిస్మత్ మండీ నిర్వాహకులు గౌతమి, ధర్మా, గౌతమ్‌‌కు అభినందనలు’ అని సోనూసూద్ స్ప‌ష్టం చేశారు.
