Manchu Manoj : మంచు మోహన్ బాబు త‌నయుడు మంచు మనోజ్ గురించి ప్ర‌త్యేకంగా చెప్ప‌న‌క్క‌ర్లేదు. వైవిధ్య‌మైన సినిమాల‌తో తెలుగు ప్రేక్ష‌కుల‌ని అల‌రించిన ఈయ‌న ఇటీవ‌లి కాలంలో స‌రైన స‌క్సెస్‌లు లేక సైలెంట్‌గా ఉన్నాడు. . ఇటీవలికాలంలో మనోజ్ కు, విష్ణుకు మధ్య విభేదాలున్నాయని, సందర్భాన్ని బట్టి అవి బటయపడుతున్నాయంటున్నారు. రెండురోజుల క్రితమే మనోజ్ సోదరుల మధ్య వివాదానికి సంబంధించి కొన్ని కామెంట్స్ చేశారు. అవి అతని సోదరుడు విష్ణు గురించే అని సినీ విశ్లేషకులు అభిప్రాయపడ్డారు. మంచు లక్ష్మి, మనోజ్ ఒక వైపు ఉంటారని, విష్ణు మాత్రం వేరే పార్టీ కాబట్టి వారి మధ్య విభేదాలు వచ్చినా అవి బయటకు కనిపించడంలేదంటున్నారు. అయితే ఇదంతా మోహన్ బాబు ఆధ్వర్యంలోనే జరుగుతోందని కొందరంటున్నారు.
మంచు మనోజ్ అప్పుడ‌ప్పుడు సినిమా, రాజ‌కీయం విష‌యంలో హాట్ టాపిక్‌గా మారుతూ ఉంటాడు. అయితే మంచు మనోజ్.. బీఆర్ఎస్ నేత, తాండూరు ఎమ్మెల్యే పైలెట్ రోహిత్ రెడ్డికి స‌పోర్ట్ గా ఉంటూ ఆయనని గెలిపించాల‌ని కోర‌డం ప్రాధాన్య‌త సంత‌రించుకుంది. ఇత‌ను అన్ని ప్రాంతాల ప్ర‌జ‌ల‌ని సొంత వాళ్ల‌లా చూసుకుంటారు. సెటిల‌ర్స్‌ని ఎక్కువ బాధ‌పెట్ట‌కుండా రోహిత్ రెడ్డి వాళ్ల‌ని చాలా ఆప్యాయంగా చూసుకుంటారు. మీరంతా ఆయనని గెలిపిస్తార‌ని మీ అంద‌రికి పాదాభివంద‌నం చేస్తున్నానంటూ మనోజ్ ఆస‌క్తిక‌ర కామెంట్స్ చేశారు. ప్ర‌స్తుతం మనోజ్ కామెంట్స్ వైర‌ల్‌గా మారాయి.
ఇక ఇదిలా ఉంటే తెలంగాణ అసెంబ్లీ ఎన్నికలు స‌మీపిస్తున్న స‌మ‌యంలో బీఆర్ఎస్ ఎమ్మెల్యే, ఆ పార్టీ తాండూరు అభ్యర్థి పైలెట్ రోహిత్ రెడ్డి ఇంట్లో ఐటీ సోదాలు జరిగాయి. ఈ సోదాల్లో భారీగా నగదు పట్టుబడినట్లు తెలిసింది. మెుత్తం రూ.20 లక్షల నగదు, పలు రికార్డులను స్వాధీనం చేసుకున్నట్లు సమాచారం. ఈ సందర్భంగా ఎమ్మెల్యే అనుచరుడిని ఐటీ అధికారులు అదుపులోకి తీసుకున్నట్టు కూడా ప్ర‌చారం జ‌రిగింది.
