Yatra 2 Movie : ఇటీవల బ‌యోపిక్స్ ఎక్కువ‌గా రూపొందుతుండ‌డం మ‌నం చూస్తూనే ఉన్నాం. తెలుగులో కూడా ప‌లువురు సినీ ప్ర‌ముఖులు, రాజ‌కీయ నాయ‌కుల బ‌యోపిక్స్ ప్రేక్ష‌కుల‌ని ప‌ల‌క‌రించాయి. మహి.వి రాఘవన్ దర్శకత్వంలో దివంగత ముఖ్యమంత్రి వైఎస్ రాజశేఖర్ రెడ్డి జీవిత కథ ఆధారంగా రూపొందిన ‘యాత్ర’ చిత్రం ఎంత విజ‌యం సాధించిందో మ‌నం చూశాం. చిత్రంలో వైఎస్ రాజశేఖర్ రెడ్డి పాత్రలో మాలీవుడ్ మెగాస్టార్ మమ్ముట్టి నటించి మెప్పించారు.. 2019, ఫిబ్రవరి 8 న రిలీజ్ అయిన ఈ చిత్రం అప్పట్లో వైసీపీకి ఎన్నికల్లో ప్రధాన ఆస్త్రంగా నిలిచిందని అంటారు.
ఇక ఇప్పుడు యాత్ర2 సినిమా కోసం సన్నాహాలు జ‌రుగుతున్న‌ట్టు తెలుస్తుంది. 2024 ఎలక్షన్స్ దగ్గరపడుతున్న నేపథ్యంలో ‘యాత్ర 2’ తెరపైకి తీసుకు రావాలని దర్శకుడు మహి వి. రాఘవన్ ప్లాన్ చేస్తున్నట్లు వినికిడి. యాత్ర వైఎస్ పాదయాత్ర నేపథ్యంలో సాగితే.. ‘యాత్ర 2’ వైఎస్ జగన్ ప్రధానంగా సాగబోతుందని ఫిలిం న‌గర్ వ‌ర్గాల‌లో చ‌ర్చ న‌డుస్తుంది. అయితే యాత్ర 2లో నటించేది ఎవ‌ర‌నే దానిపై కొన్నాళ్లుగా చ‌ర్చ‌లు న‌డుస్తున్నాయి. గ‌తంలో తమిళ స్టార్ హీరో సూర్య నటించే అవకాశం ఉందని వార్తలు వచ్చాయి.
తాజాగా జగన్ పాత్రలో ‘రంగం’ మూవీతో తెలుగులో మంచి గుర్తింపు తెచ్చుకున్న నటుడు జీవా న‌టిస్తాడ‌నే టాక్ వినిపిస్తుంది. మహి వి రాఘవన్ ఇటీవల ఈ మూవీకి సంబంధించిన స్క్రిప్ట్ పనులు మొద‌లు పెట్టిన‌ట్టు టాక్.. ఈ మూవీకి సంబంధించిన స్టోరీ పక్కగా పూర్తయిన తర్వాత వివరాలన్నీ అధికారికంగా తెలియజేస్తానని ఇటీవల ఓ ఇంటర్వ్యూలో తెలిపారు మహి వి రాఘవన్. 2024 ఎన్నికలకు ముందే ఈ మూవీ కంప్లీట్ చేసి థియేట‌ర్స్‌కి తీసుకొస్తార‌ని అంటున్నారు. మ‌రి ఇందులో ఏయే అంశాలు చూపిస్తాడు అని ముచ్చ‌టించుకుంటున్నారు. మ‌రి ఈ సినిమా రానున్న రోజుల‌లో జ‌గ‌న్‌కి ఏమైన ఉప‌యోగ‌ప‌డుతుందా అనేది కూడా చూడాల్సి ఉంది.
