Viji Chandrasekhar : నందమూరి బాలకృష్ణ, బోయపాటి శ్రీనుల కాంబినేషన్‌లో వచ్చిన అఖండ మూవీ ఎంతటి ఘన విజయాన్ని అందుకుందో అందరికీ తెలిసిందే. ఈ మూవీ బాక్సాఫీస్‌ వద్ద బ్లాక్‌ బస్టర్‌ హిట్‌గా నిలిచింది. నిర్మాతలకు కలెక్షన్ల వర్షం కురిపించింది. ఇందులో బాలయ్య ద్విపాత్రాభినయంలో అలరించారు. ఒక పాత్రలో సాధారణ వ్యక్తిగా ఇంకో పాత్రలో అఘోరాగా కనిపించి ఆకట్టుకున్నారు. బాలయ్య ఫస్ట్‌ టైమ్‌ అఘోరాగా కనిపించి అందరినీ అలరించారు. ఇక ఇందులో బాలకృష్ణకు తల్లిగా నటించిన నటిపై సైతం ప్రశంసల వర్షం కురిసింది.
అఖండ మూవీలో బాలకృష్ణకు తల్లిగా నటించింది ఎవరు.. అని ప్రస్తుతం అందరూ సోషల్‌ మీడియాలో తెగ వెదికేస్తున్నారు. అయితే ఆమె పేరు విజి చంద్రశేఖర్‌ అని తేలింది. ఆమె భర్త ఎయిర్‌ ఇండియాలో మోస్ట్‌ సీనియర్‌ రిటైర్డ్‌ కెప్టెన్‌. ఈ సందర్భంగా ఆమె ఓ ఇంటర్వ్యూలో తన గురించి పలు ఆసక్తికరమైన విషయాలను తెలియజేసింది. విజి చంద్రశేఖర్‌ మాట్లాడుతూ.. తన భర్త ఎయిర్‌ ఇండియాలో రిటైర్డ్‌ అయినా కూడా ఇంకా అందులోనే పనిచేస్తున్నారని వివరించింది.
ఇక తాను కూడా నెలలో 12 రోజులు పనిచేస్తానని.. మిగిలిన సమయాన్ని తాను తన కుటుంబానికి కేటాయిస్తానని ఆమె చెప్పుకొచ్చింది. తనకు ఇద్దరు కుమార్తెలు ఉన్నారని.. వారిలో ఒకరు డాక్టర్‌ కాగా.. మరొకరు యాక్టర్‌ అని ఆమె తెలిపింది. ఇక తన భర్త కెప్టెన్‌ కావడంతో అప్పుడప్పుడు మాత్రమే ఇంటికి వస్తాడని.. దీంతో ఇద్దరు కూతుళ్ల బాధ్యతలను తానే తీసుకున్నానని తెలిపింది. ఈ క్రమంలోనే తక్కువ సినిమాలు చేసినట్లు కూడా తెలియజేసింది. అయితే సినిమాల కన్నా తనకు పిల్లలు, వారి భవిష్యత్తే ముఖ్యమని.. కానీ సినిమాల్లో మంచి అవకాశాలు వస్తే వదులుకోనని కూడా స్పష్టం చేసింది. ఈ క్రమంలోనే ఆమె ఫొటోలు ప్రస్తుతం సామాజిక మాధ్యమాల్లో వైరల్ అవుతున్నాయి.
