Varun Tej : గ‌త కొద్ది రోజులుగా లావణ్య త్రిపాఠి వరుణ్ తేజ్ ల‌కి సంబంధించి అనేక వార్త‌లు నెట్టింట తెగ హ‌ల్‌చ‌ల్ చేస్తున్నాయి. కొన్ని సంవత్సరాలుగా ప్రేమిస్తోన్న హీరోయిన్‌ లావణ్య త్రిపాఠిని ఆయన పెద్దల సమక్షంలో పెళ్లిచేసుకోబోతున్నారు. అందులో భాగంగా జూన్ 09న వరుణ్ తేజ్, లావణ్యల నిశ్చితార్దం ఘనంగా జరిగింది. మెగా ఫ్యామిలీతో పాటు అల్లు ఫ్యామిలీ ఈ వేడుకకు హాజరైంది. ఇరు కుటుంబ సభ్యుల సమక్షంలో బంధుమిత్రుల ఆశీర్వాదం నడుమ వరుణ్, లావణ్య ఎంగేజ్మెంట్ ఉంగరాలు మార్చుకున్నారు. ఎంగేజ్మెంట్ తర్వాత వరుణ్ తేజ్, లావణ్య త్రిపాఠీలు స్వయంగా తమ ఫొటోలను అభిమానులతో షేర్ చేసుకున్నారు. త్వరలోనే వీరిద్దరు వివాహ బంధంతో కొత్త జీవితంలోకి అడుగు పెట్టనున్నారు.
ఎంగేజ్మెంట్ తర్వాత లావణ్య, వరుణ్ తేజ్ కలిసి ఇటలీలో వెకేషన్ కు వెళ్లిన‌ట్టు తెలుస్తుంది. ప్రస్తుతం ఫ్లోరెన్స్ వీధుల్లో సరదాగా గడుపుతున్నారు. రీసెంట్‌గా ఈ వెకేషన్ కు సంబంధించిన ఫోటోను సోషల్ మీడియా వేదికగా పంచుకున్నారు. “మాకు విషెస్ చెప్పిన ప్రతి ఒక్కరికీ ధన్యవాదాలు!” అని వరుణ్ ఫోటోకు క్యాప్షన్ పెట్టారు. దానికి లవ్ ఎమోజీలు యాడ్ చేశారు. అయితే, ఈ పిక్ చూసిన నెటిజన్స్ ఈ ఫొటోలు ఎంగేజ్మెంట్ కంటే ముందువా? లేదా తర్వాతవా అని అనుమానిస్తున్నారు.. వరుణ్ ఇటలీలో షికారు చేస్తున్నప్పుడు తీయించుకున్న ఫొటోలతో కంపేర్ చేస్తున్నారు.
అయితే ఎంగేజ్మెంట్ తర్వాత లావణ్య వరుణ్ తేజ్ ల ఫొటోలు సోషల్ మీడియాని షేక్ చేస్తున్నాయి. వీడియోలు కూడా నెట్టింట తెగ హ‌ల్‌చ‌ల్ చేస్తున్నాయి. తాజాగా లావణ్య త్రిపాఠికి సంబంధించిన వీడియో ఒక‌టి బ‌య‌ట‌కు రాగా, అందులో లావణ్య ఉద‌యాన్నే లేచి ఫుడ్ ప్రిపేర్ చేసుకొని షూటింగ్‌కి హాజరైంది. ఈ వీడియో చూస్తే లావణ్య చాలా క‌ష్ట‌ప‌డుతున్న‌ట్టుగా క‌నిపించింది. అయితే ఈవీడియోపై కొంద‌రు నెటిజన్స్ పెళ్లి కాక‌ముందే లావ‌ణ్య‌ని బాగా ఇబ్బంది పెట్టేస్తున్నావ‌ని కామెంట్స్ చేస్తున్నారు.
