Upasana : టాలీవుడ్ మోస్ట్ క్యూట్ క‌పుల్స్‌లో రామ్ చరణ్ ఉపాసన జంట ఒక‌టి. ఈ దంపతులు పదేళ్ల తర్వాత పేరెంట్స్ అయ్యారు. ఉపాసన గర్భం దాల్చిన విషయాన్ని మామయ్య చిరంజీవి అభిమానులతో పంచుకుంటూ ఆనందం వ్య‌క్తం చేశారు.. ఆ హనుమాన్ అశీస్సులతో ఉపాసన తల్లి కాబోతున్నారని ఆయ‌న ట్వీట్ చేశారు. ఇది చిరంజీవి అభిమానుల్లో ఎక్కడలేని ఆనందం నింపింది. అప్పటి వరకు ఉపాసన మీద ఉన్న అపవాదులు ఈ ప్రకటన దూరం చేసింద‌నే చెప్పాలి. అయితే తల్లి అయ్యాక కూడా ఉపాసన-రామ్ చరణ్ దంప‌తుల‌ని కొందరు విమ‌ర్శించారు . వీరిది సరోగసీ గర్భం అని కొందరు కామెంట్ చేయగా… మరి కొందరేమో ఉపాసనకు అమెరికాలో డెలివరీ కానుంది అంటూ ఎన్నో కామెంట్స్ చేయగా వాట‌న్నింటికి ఉపాసన వివ‌ర‌ణ ఇచ్చింది.
ప్రెగ్నెన్సీ తర్వాత ఉపాసన తెగ వార్త‌ల‌లో నిలుస్తుంది. త‌న ప్రెగ్నన్సీ గురించి ప‌లు ఇంట‌ర్వ్యూల‌లో కూడా చెప్పుకొస్తుంది. రీసెంట్ ఇంట‌ర్వ్యూలో ఉపాసన మాట్లాడుతూ.. పెళ్లికి ముందే చరణ్ తో పరిచయం ఉందని చరణ్, నేను మంచి ఫ్రెండ్స్ అని ఉపాసన చెప్పుకొచ్చారు. చరణ్, నేను పెళ్లి సమయంలోనే పిల్లల్ని ఎప్పుడు ప్లాన్ చేసుకోవాలనేది ముందే ప్లాన్ చేసుకున్నామ‌ని పేర్కొంది. ఇద్ద‌రం ఆర్థికంగా సెటిల్ అయిన తర్వాతే పిల్లల్ని కనాలని భావించడం జరిగిందని ప్రస్తుత ఆర్థికంగా సెటిల్ కావ‌డంతో పిల్ల‌ల‌ని ప్లాన్ చేసామ‌ని చెప్పుకొచ్చింది. పెళ్లైన కొత్తలోనే ఎగ్స్ ను ఫ్రీజ్ చేయాలని నిర్ణయం తీసుకోవడంతో పాటు ఆ పని చేశానని ఉపాసన చెప్పుకొచ్చారు.
జీవితంలో సంపాదన తర్వాతే పిల్లలకు వెల్ కమ్ చెప్పాలని భావించామని ఉపాసన అన్నారు. ఇప్పుడున్న మా సంపాదనతో పిల్లలకు మంచి భవిష్యత్తు ఇవ్వగలనని నమ్మకం ఉందని ఉపాసన చెప్పుకొచ్చింది. ఇటీవ‌ల వీరికి అమ్మాయి పుట్ట‌బోతుందంటూ అనేక ప్ర‌చారాలు కూడా సాగాయి. కాగా ఏడు నెలలు అవుతున్నా ఉపాసన గర్భం కనిపించదేమని కొందరి సందేహం వ్య‌క్తం చేశారు.. దానికి స‌మాధానంగా శరీరానికి తగినట్లు బట్టలు, మూడ్ కి తగ్గట్లు ఆభరణాలు ధరిస్తానని ఉపాసన వెల్లడించారు. అంటే బేబీ బంప్ కనిపించకపోవడానికి నేను ధరించే బట్టలే అని ఉపాసన పరోక్షంగా చెప్ప‌క‌నే చెప్పింది.
