Upasana : కొద్ది రోజుల క్రితం ప‌ద‌కొండో యానివ‌ర్స‌రీ జ‌రుపుకున్న రామ్ చరణ్, ఉపాసన దంప‌తులు జూన్20న త‌ల్లిదండ్రులుగా ప్రమోషన్ పొందారు. పెళ్లైన ప‌ద‌కొండేళ్ల త‌ర్వాత త‌ల్లిదండ్రులు కావ‌డంతో వారి ఆనందం అంతా ఇంతా కాదు. అందరు తండ్రి వలె నేను ఎంతో ఎగ్జైంట్మెంట్‌కు గురయ్యాను అని రామ్ చరణ్ మీడియా ముందు చెప్పుకొచ్చారు. ఆ అనుభూతి మాటల్లో వర్ణంచలేను అన్నారు. ఈ సందర్భంగా ఉసాపనకు ట్రీట్మెంట్ చేసిన అపోల్ డాక్టర్స్‌కు రామ్ చరణ్ ప్రత్యేకంగా కృతజ్ఞతలు తెలియజేసారు. ఇక మనవరాలి రాకతో తాతగా అతిపెద్ద ప్రమోషన్ పొందిన మెగాస్టార్ చిరంజీవి సంతోషంలో మునిగిపోయారు.
ఇక జూన్ 23న ఉపాసన డిశ్చార్జి కాగా, ఆమె త‌న త‌ల్లి ఇంటికి వెళ్ల‌కుండా చిరంజీవి ఇంటికి వెళ్లింది. ఇంటికి వెళ్లాక త‌న సోష‌ల్ మీడియా ద్వారా ఉపాసన పోస్ట్ షేర్ చేసింది. ఇందులో తమ చిన్ని తల్లికి లభిస్తున్న ఘన స్వాగతం తమను మంత్ర ముగ్ధుల్ని చేసిందని తెలిపారు. తమపైనా, తమ చిన్నారిపైనా ప్రేమ, ఆశీస్సులు కురిపిస్తున్న ప్రతీ ఒక్కరికీ కృతజ్ఞతలు తెలుపుతున్నట్లుగా ఉపాసన కొణిదెల వెల్లడించారు. ఇలా ఎమోషనల్ నోట్ రాసుకొచ్చిన ఉపాసన ఓ ఫొటో షేర్ చేశారు. ఉపాసన ఒడిలో బేబీ ఉండగా.. రామ్ చరణ్ ఒడిలో పెట్ డాగ్ ఉంది. ఆ పోస్ట్ కూడా నెట్టింట తెగ వైరల్ అవుతుంది.
గ‌త కొద్ది రోజులుగా ఉపాస‌న‌కి సంబంధించిన ఫొటోలు, వీడియోలు నెట్టింట తెగ హ‌ల్‌చ‌ల్ చేస్తున్నాయి. తాజాగా ఉపాసన డెలిరీకి వెళ్లేముందు ఎలా ఫీలైందో ఓ వీడియో ద్వారా చూపించింది. ఐదు రోజుల క్రితం జ‌రిగిన మ‌ధుర‌మైన క్ష‌ణం ఇదే అంటూ ఉపాసన త‌న సోష‌ల్ మీడియాలో ప‌లు పోస్ట్, వీడియోలు షేర్ చేసింది. ఇవి నెట్టింట తెగ హ‌ల్ చ‌ల్ చేస్తున్నాయి. ఇక 21వ రోజు త‌న పాప‌కి పెట్ట‌నున్నార‌ని, ఆ పాప పేరు అదే రోజు రివీల్ చేస్తామ‌ని అన్నారు. పాప ఫేస్ మాత్రం ఏడాది త‌ర్వాతే రివీల్ చేస్తార‌ని వినికిడి.
