కొద్ది నెల‌ల క్రితం దక్షిణాది చిత్ర పరిశ్రమతోపాటు దేశవ్యాప్తంగా భారీ చర్చకు దారి తీసిన చిత్రం ది లెజెండ్. తమిళనాడులో శరవణన్ గ్రూప్ అధినేత శరవణన్ అరుల్ హీరోగా నటించిన ఈ చిత్రం పాన్ ఇండియా మూవీగా రిలీజై అంద‌రిని ఆశ్చ‌ర్య‌ప‌రిచింది. ఈ సినిమా రిలీజ్‌కు ముందు సంపాదించుకొన్న క్రేజ్‌ను బాక్సాఫీస్ వద్ద కలెక్షన్లుగా ఏ మాత్రం మ‌ల‌చ‌లేక‌పోయింది. ది లెజెండ్ సినిమా బ్రేక్ ఈవెన్ సాధించాలంటే కనీసం 66 కోట్లు రాబట్టాల్సి ఉండ‌గా, అది అందుకోలేక చితికిల ప‌డింది.. ది లెజెండ్ చిత్రం 2022లో భారీ నష్టాలకు గురైన చిత్రంగా రికార్డును నమోదు చేసింది.
65 కోట్ల బడ్జెట్తో ఈ చిత్రాన్ని తెర‌కెక్కిస్తే ఈ సినిమా సుమారు మూడు కోట్లు కూడా రాబట్టలేకపోయింది. దాంతో ఈ చిత్రం 62 కోట్లకుపైగా నష్టాల్ని బాక్సాఫీస్ వద్ద చవిచూసింది. అజిత్ హీరోగా నటించిన ఉల్లాసం సినిమాను తెరకెక్కించిన జీడీ జెర్రీ దర్శకత్వం వహించాడు. హ్యారిస్ జైరాజ్ సంగీతాన్ని సమకూర్చారు. ఈ సినిమాలో హాట్ బ్యూటీ ఊర్వశి రౌథాలా క‌థానాయిక‌గా నటించింది. అయితే గ‌త చిత్రంతో చేతులు కాల్చుకున్న‌ప్ప‌టికీ శరవణన్ మ‌రోసారి భారీ బడ్జెట్తో చిత్రం రూపొందించేందుకు సిద్ధ‌మ‌య్యాడు.
త‌న త‌దుపని సినిమాని కాశ్మీర్ లో షూటింగ్ జరగుతున్నట్లు సమాచారం. దీనికి సంబంధించిన అప్ డేట్ త్వరలో రానున్నట్లు తమిళ మీడియా చెబుతోంది. కాశ్మీర్ లో ఆయన దిగిన కొన్ని ఫోటోలు కూడా నెట్టింట్లో వైరల్ మార‌డంతో సినిమా షూటింగ్ శ‌ర‌వేగంగా జ‌రుగుతుంద‌ని అనుకుంటున్నారు.. అయితే ఈ సినిమాకు మరింత బడ్జెట్ పెట్టనున్నట్లు సమాచారం. రూ. 50 కోట్లకు పైగా బడ్జెట్ ఉండనుందని తెలుస్తోంది. వ్యాపార ప్ర‌క‌ట‌న‌ల‌తో ఫేమ‌స్ అయిన శరవణన్‌కు సూర్యశ్రీతో వివాహమైంది. వారికి ఇద్దరు కుమార్తెలు ఒక కుమారుడు ఉన్నారు. ఇక సోదరి వివాహానికి రూ.13 కోట్ల విలువైన దుస్తులను బహూకరించి అప్ప‌ట్లో హాట్ టాపిక్‌గా నిలిచాడు.
