Thaman : ప్ర‌స్తుతం ఐపీఎల్ హంగామా ఓ రేంజ్‌లో సాగుతుంది. పెద్ద స్కోర్‌ల‌ని కూడా ఇట్టే చేజ్ చేస్తున్నారు. గ‌త మూడు రోజులుగా ఐపీఎల్‌లో ఇంట్రెస్టింగ్ మ్యాచ్‌లు సాగుతున్నాయి. ఇక సన్ రైజర్స్ టీం ఈ సీజ‌న్‌లో ఒక్క‌టి కూడా గెల‌వ‌లేదు. ఎట్ట‌కేల‌కు సొంత గడ్డపై సన్ రైజర్స్ హైదరాబాద్ బౌలర్లు రెచ్చిపోవ‌డంతో పంజాబ్ కింగ్స్ తో జరిగిన మ్యాచ్ లో మాత్రం విజయం సాధించారు. టాస్ ఓడి బ్యాటింగ్ కు దిగిన పంజాబ్ కింగ్స్ 20 ఓవర్లలో 143 పరుగులు చేసింది. దీనిని సునాయాసంగా సాధించి సీజన్ 16లో పాయింట్ల ఖాతాను తెరిచింది.
సొంత గడ్డపై ఆదివారం అభిమానులను నిరాశపర్చకుండా అన్ని విభాగాల్లో రాణించడంతో సన్ రైజర్స్ విజయం సాధించింద‌ని అంటున్నారు. అయితే ఈ మ్యాచ్‌కి ఎస్.ఎస్ థమన్ కూడా వచ్చి మన టీమ్ ని సపోర్ట్ చేస్తూ కనిపించాడు. థమన్ రావడం వలన మ్యాచ్ గెలిచి ఉండోచ్చ‌ని కొంద‌రు జోస్యాలు చెబుతున్నారు. అందుకు కార‌ణం ఇటీవ‌ల ఆయ‌న ఏం ప‌ట్టిన బంగారమే అవుతుంది. థమన్ మ్యూజిక్ ఇచ్చిన సినిమాలు బ్లాక్ బస్టర్ విజయాన్ని దక్కించుకుంటున్నాయి. ఇక ఇటీవలే సెలబ్రిటీ క్రికెట్ లీగ్ లో థమన్ ప్రాతినిధ్యం వహించిన మన తెలుగు జట్టు గెలిచింది.
ఆహా ఇండియన్ ఐడల్ షోలో జ‌డ్జిగా ప్ర‌స్తుతం థమన్ ఉండ‌గా, ఇది కూడా బాగా పాపులర్ అయింది.ఈ క్ర‌మంలోనే సన్ రైజర్స్ మ్యాచ్ గెలుపుకి థమన్ హాజరు కావడంతోనే సన్రైజర్స్ గెలిచిందని అభిమానులు బావిస్తున్నారు. థమన్ ఎక్కడికి వచ్చినా.. ఏది చేసినా అక్కడ సందడి తో పాటుగా విజయం కూడా వరిస్తుంది అని కొంద‌రు అభిమానులు సెంటిమెంట‌ల్‌గా ఫీల‌వుతున్నాన‌రు. ఇక ఆమ్యాచ్‌లో థమన్‌తో పాటుగా సీనియర్ హీరో విక్టరీ వెంకటేష్, డైరెక్టర్ అనిల్ రావిపుడి, సింగర్ హేమ చంద్ర కూడా కి హాజరయ్యారు.
