Tamannaah : మిల్క్ బ్యూటీ తమన్నా భాటియా స్టార్ హీరోయిన్ గా వెలుగొందుతోంది. భారీ చిత్రాల్లో నటిస్తూ అభిమానులను అలరిస్తోంది. బాహుబలి తర్వాత తమన్నాకు భారీ చిత్రాల్లో అవకాశాలు వచ్చాయి. ఇప్పటికే బ్యాక్ టు బ్యాక్ చిత్రాలను అనౌన్స్ చేసిన తమన్నా ప్రస్తుతం వాటిని ఒక్కొక్కటిగా పూర్తి చేస్తూ వస్తోంది. అటు బాలీవుడ్ లోనూ వరుస ప్రాజెక్ట్ లను సొంతం చేసుకుంటోంది. తమన్నా అందాల గురించి కొత్తగా చెప్పక్కర్లేదు ఇంత వయసు వచ్చినా పర్ఫెక్ట్ ఫిజిక్ మెయింటైన్ చేస్తూ కుర్రాళ్లకు చెమటలు పట్టిస్తుంది. తమన్నా వెండితెరకు పరిచయమై 17 ఏళ్లు గడిచినా.. ఫేమ్, పాపులారిటీ ఏమాత్రం తగ్గలేదు.
అయితే తమన్నా పెళ్లి‌పై ఎప్పుడూ ఏదో ఒక వార్త సోషల్ మీడియాలో వైరల్ అవుతోన్న సంగతి తెలిసిందే. ఇప్పటికే మిల్కీ బ్యూటీ పెళ్లికి సంబంధించిన చాలా వార్తలు నెట్టింట చక్కర్లు కొట్టగా.. ఇప్పుడప్పుడే పెళ్లి చేసుకొనే ఉద్దేశ్యం లేదని సున్నితంగా సమాధానం ఇవ్వడంతో ఆ రూమర్స్ కు చెక్ పడేవి. తాజాగా మరో న్యూస్ సోషల్ మీడియాలో వైరల్ అవుతోంది. అయితే ఈసారి తమన్నా తన పెళ్లి వార్తలపై స్పందించకపోవడంతో.. అవి నిజమే అని అర్ధమవుతోంది. తమన్నా త్వరలో ముంబైకి చెందిన ఓ యువ వ్యాపారవేత్తతో పెళ్లికి సిద్దమయిందని ఆ వార్తల సారాంశం.
అందులో భాగంగా ప్రస్తుతం సినిమాలను కూడా తగ్గించేశారని కొందరు అంటున్నారు. కొన్ని రోజుల క్రితమే మిల్కీ బ్యూటీ తన పెళ్లికి ఓకే చెప్పారట. పెళ్లికి సంబంధించిన అధికారిక ప్రకటన త్వరలోనే రానుందని అంటున్నారు. చూడాలి మరి ఈ వార్తల్లో ఎంత నిజం ఉందో. తన పెళ్లి నిర్ణయం తల్లిదండ్రులకే వదిలేసినట్లు ఎన్నోసార్లు తమన్నా చెప్పింది. ఇప్పుడు కూడా పెద్దలు తీసుకొచ్చిన అబ్బాయికే ఓకే చెప్పారట. ప్రస్తుతం తమన్నా మెగాస్టార్ భోళా శంకర్, అలాగే సత్యదేవ్ కి జంటగా గుర్తుందా శీతాకాలం మూవీలో నటిస్తుంది. వీటిలో పాటు ఒక హిందీ, మరొక మలయాళ చిత్రంలో కూడా చేస్తుంది.
