Samantha : టాలీవుడ్ స్టార్ హీరోయిన్ స‌మంత.. నాగ చైతన్య నుండి విడాకులు తీసుకున్న త‌ర్వాత చాలా డిప్రెష‌న్ కి లోనైంది. ప్రేమించి పెళ్లి చేసుకున్న వ్య‌క్తి దూరం కావ‌డంతో స‌మంత బాధ వ‌ర్ణ‌నాతీతం. అయితే ఈ బాధ నుండి కోలుకుంటున్న స‌మ‌యంలో స‌మంత మ‌యోసైటిస్ అనే వ్యాధి బారిన ప‌డింది. గ‌త కొద్ది రోజులుగా స‌మంత ఈ వ్యాధితో పోరాటం చేస్తుంది. అయితే ఇప్పుడు స‌మంత తన ఆరోగ్యంపై పూర్తి దృష్టి పెట్టేందుకు ఏడాది పాటు సినిమాలకు దూరంగా ఉంటానని ప్రకటించిన విషయం తెలిసిందే. ఈ సమయాన్ని తన ఆరోగ్యం కోసం కేటాయిస్తున్నట్టు కూడా చెప్పింది.
త‌ను క‌మిటైన సినిమాల‌న్నీ పూర్తి చేసిన స‌మంత ప్ర‌స్తుతం ప‌లు దేవాలయాలు, వేకేషన్లకు వెళ్తూ రిలాక్స్ అవుతోంది. ఎక్కువగా నేచర్ కు దగ్గరగా ఉండేందుకు ప్రయత్నిస్తోంది. ప్రశాంతమైన, ఆహ్లాదకరమైన వాతావరణంలో రోజంతా గడుపుతూ ఎనర్జీని పొందుతోంది. మొన్నటి వరకు ఇండోనేషియాలో సందడి చేసిన సామ్ ఇప్పుడు తిరిగి హైద‌రాబాద్‌కి వచ్చినట్టు తెలుస్తోంది. అక్కడి నుంచి ఎప్పటి కప్పుడు ఫొటోలు, బ్యూటీఫుల్ లోకేషన్లకు సంబంధించిన డిటేయిల్స్ ను అభిమానులతో పంచుకున్న విషయం తెలిసిందే.
ఇక సిటీకి తిరిగి వచ్చిన సామ్ ఫన్నీ అండ్ ఇంట్రెస్టింగ్ వీడియోలను అభిమానులతో పంచుకుంది. పిల్లలతో కలిసి సరదాగా ఆడుకుంంటూ కనిపించింది. ప్లే బ్యాక్ సింగర్ చిన్మయి శ్రీపాద మరియు దర్శకుడు-నటుడు రాహుల్ రవీంద్రన్ దంపతులకు కవల పిల్లలు శ్రావస్ మరియు ద్రిప్తా ఉన్నారు. తాజాగా వారి ఇంటికి వెళ్లిన సామ్ పిల్లలతో కలిసి ఆడుకుంది. ఇందుకు సంబంధించిన వీడియోలనే తాజాగా ఫ్యాన్స్ తోనూ షేర్ చేసుకుంది. మరోవైపు ‘ఆర్ఆర్ఆర్’లోని నాటు నాటు సాంగ్ కు పిల్లాడితో స్టెప్పులు వేయిస్తూ హుషారుగా కనిపించింది. కిడ్స్ ఆడుతూ హ్యాపీగా కనిపించింది. స‌మంత‌ని ఇంత హ్యాపీగా చూసి ఫ్యాన్స్ కూడా ఖుష్ అవుతున్నారు.
