Raviteja Dhamaka Movie : రవితేజ హీరోగా నటిస్తున్న తాజా చిత్రం ధమాకా. త్రినాథరావు నక్కిన డైరెక్ట్ చేస్తున్న ఈ మూవీలో పెళ్లి సందD ఫేం శ్రీలీల హీరోయిన్‌గా నటిస్తోంది. ఫస్ట్ లుక్, టీజర్ ఇప్పటికే విడుదలై ఆకట్టుకోగా.. తాజాగా సినిమాలోని వాట్స్ హ్యాపెనింగ్ అంటూ సాగే మూడో లిరికల్ సాంగును మేకర్స్ రిలీజ్ చేశారు. సింగిల్ గానే ఉంటా ఏ లవ్ లో పడకుండా అని అనుకున్న మాట ఏమయ్యిందో అంటూ ఈ సాంగ్ సాగుతుంది. రామజోగయ్య శాస్త్రి సాహిత్యాన్ని అందించిన ఈ పాటను రమ్య బెహ్రా – భార్గవి పిళ్లై ఆలపించారు. శేఖర్ మాస్టర్ ఈ పాటకి కొరియోగ్రఫీని అందించాడు.
ప్రమోషన్ వీడియోలు బయటకు రిలీజ్ చేసేటప్పుడు దర్శక, నిర్మాతలు మాగ్జిమం జాగ్రత్తలు తీసుకుంటారు. కానీ ఒక్కోసారి మిస్ ఫైర్ అవుతూంటాయి. ఈ సాంగ్ లిరికల్ వీడియోలో.. ఓ చోట.. అని నాన్న అన్నా అంటూ వస్తుంది. అప్పుడు రవితేజ ఫేస్ ప్లాష్ అవుతుంది. ఇది చూసిన వాళ్లు సోషల్ మీడియాలో ఫన్ చేస్తున్నారు. శ్రీలీల వయస్సు అమ్మాయికి తండ్రి వయస్సు రవితేజది అంటూ ట్రోల్ చేస్తున్నారు. రవితేజకు, శ్రీలీలకు ఉన్న ఏజ్ గ్యాప్ ని ప్రస్తావిస్తున్నారు. ప్రస్తుతం ఈ సాంగ్ నెట్టింట వైరల్ గా మారింది.
ఈ సినిమాను పీపుల్ మీడియా ఫ్యాక్టరీ, అభిషేక్ అగర్వాల్ ఆర్ట్స్ సంస్థలు సంయుక్తంగా నిర్మిస్తున్నాయి. నిర్మాత టీజీ విశ్వప్రసాద్ భారీ స్థాయిలో సినిమాను రూపొందిస్తున్నారు. వివేక్ కూచిభొట్ల సహ నిర్మాతగా వ్యవహరిస్తోన్న ఈ సినిమాకు భీమ్స్ సిసిరోలియో సంగీతం సమకూరుస్తున్నారు. ప్రసన్న కుమార్ బెజవాడ కథ, స్క్రీన్‌ప్లే, మాటలు అందిస్తున్నారు. డిసెంబర్ 23 న ఈ మూవీ ప్రేక్షకుల ముందుకు రాబోతుంది. క్రాక్ తరువాత అంతటి విజయాన్ని అందుకోని మాస్ మహారాజా ఈ సినిమాతోనైనా హిట్ కొడతాడేమో చూడాలి.
