Ram Mohan Naidu : స్కిల్‌ స్కాం కేసులో అరెస్టై నెలరోజులకుపైగా రాజమండ్రి సెంట్రల్ జైలులోనే ఉంటున్నారు టీడీపీ అధినేత చంద్రబాబు. ఆయన భద్రతపై కుటుంబ సభ్యులు, టీడీపీ శ్రేణులు కొద్దిరోజులుగా ఆందోళనలు వ్యక్తం చేస్తుండ‌డం మ‌నం చూస్తూనే ఉన్నాం. అయితే తాజాగా ఆయనకు స్కిన్ అలర్జీ రావడంతో లోకేష్ బావోద్వేగంతో కూడిన ట్వీట్ పెట్టారు. అందులో సినిమాలోని డైలాగ్‌ని కోడ్ చేసి చంద్రబాబుకు జైలులో భద్రత లేదని..ఆయన ఆరోగ్య పరిస్థితిపై విచారం వ్యక్తం చేశారు. లోకేష్ ట్వీట్ చూసిన తెలంగాణ ఐటీ మంత్రి కేటీఆర్ కీలక వ్యాఖ్యలు చేశారు. ఉదయం లోకేష్ ట్వీట్ చూసి భాద అనిపింది.చంద్రబాబు భద్రత విషయంలో లోకేష్ వ్యక్తం చేసిన ఆందోళనను ఒక కొడుకుగా అర్థం చేసుకోగలను అన్నారు. లోకేష్ చెప్పింది వాస్తవమే అయితే ఈ పరిస్థితి భాదకరమన్నారు కేటీఆర్.
అయితే స్నేహ బ్యారక్‌లో చంద్రబాబు ఉన్న గదిలో అధికారులు 8 ఫ్యాన్లు ఏర్పాటు చేశారు. అత్యవసర పరిస్థితి ఏర్పడితే చికిత్స అందించేందుకు రాజమహేంద్రవరం ప్రభుత్వ ఆసుపత్రిలో ముందు జాగ్రత్త చర్యగా ఒక వీఐపీ రూమును కూడా సిద్ధం చేశారు. చంద్రబాబు నెల రోజులు వ్యవధిలో జైల్లో ఒక కిలో బరువు పెరిగారని జైలు అధికారులు చెబుతున్నారు. చంద్రబాబు ఆరోగ్యంగానే ఉన్నారంటూ రెండో రోజు కూడా జైలు అధికారులు హెల్త్ బులిటెన్ విడుదల చేశారు. అయితే టీడీపీ శ్రేణులు మాత్రం ఇప్ప‌టికీ అనుమానాలు వ్యక్తం చేస్తూనే ఉన్నారు.
తాజాగా టీడీపీ ఎంపీ రామ్మోహన్ నాయుడు మాట్లాడుతూ.. చంద్రబాబు త‌న ఆరోగ్యాన్ని ఎలా చూసుకుంటారో అంద‌రికి తెలుసు. జ‌గ‌న్ త‌న చిన్నాన‌నే చంపించాడు. చంద్ర‌బాబుని ఏం చేస్తాడ‌నే టెన్ష‌న్ అంద‌రికి ఉంది. ఆయ‌న‌కి త‌న ప‌ర్స‌న‌ల్ డాక్ట‌ర్ తో చెక‌ప్స్ చేయించాలి. చంద్రబాబు ఆరోగ్యంపై ఎప్ప‌టిక‌ప్పుడు అప్‌డేట్స్ చేయాలి. స‌జ్జ‌ల ఆయ‌నే లాయ‌ర్, ఆయ‌నే డాక్ట‌ర్ అన్న‌ట్టు మాట్లాడ‌తాడు. అజ‌లు స‌జ్జ‌ల ఎవ‌డు, బోడిగాడివి అంటూ ఆగ్ర‌హం వ్యక్తం చేశారు రామ్మోహన్ నాయుడు. జ‌గ‌న్‌తో పాటు స‌జ్జ‌ల‌ని ఓ రేంజ్‌లో ఆడేసుకున్నారు ఎంపి.
https://youtube.com/watch?v=ALlQIVHYj8k
