Prabhas Brother Prabodh : యంగ్ రెబ‌ల్ స్టార్ ప్రభాస్ ప్రస్తుతం పాన్ ఇండియా స్టార్‌గా ఓ వెలుగు వెలుగుతున్నాడు. ఆయన బాహుబ‌లి సినిమాతో విప‌రీత‌మైన స్టార్ డం ద‌క్కించుకున్నాడు. ప్రస్తుతం ప్రభాస్ చేతిలో క్రేజీ ప్రాజెక్ట్స్ ఉన్నాయి. అయితే కృష్ణం రాజు నట వారసుడిగా ఎదిగిన ప్రభాస్ మంచి పేరు ప్రఖ్యాతలు అందుకున్నాడు. త‌న పెద్ద‌నాన్న అడుగుజాడ‌ల‌లో న‌డుస్తూ త‌న కుటుంబానికి కూడా మంచి పేరు ప్రఖ్యాతలు తీసుకొచ్చారు. అయితే ప్రభాస్ పెద్ద‌నాన్న కృష్ణం రాజు ఇటీవ‌ల అనారోగ్య స‌మ‌స్య‌ల‌తో క‌న్నుమూసారు. ప్రభాస్ చేతుల మీదుగా అతని పెదనాన్న కృష్ణంరాజు అంత్యక్రియలు జరుగుతాయని అందరూ భావించారు. అయితే కృష్ణంరాజుకి ఉప్పలపాటి ప్రభోద్ తలకొరివి పెట్టారు.
ప్రబోధ్ కూడా కృష్ణం రాజుకి కొడుకు వరస అవుతాడు కాబట్టి ఆయన చేతుల మీదుగా ఈ అంత్యక్రియలు చేయించారని అందరూ అనుకున్నారు. అయితే ప్రభోద్ ఎవరో కాదు.. స్వయానా ప్రభాస్ అన్న అనే సంగతి చాలా తక్కువ మందికే తెలుసు.. కృష్ణంరాజు తమ్ముడు నిర్మాత ఉప్పలపాటి సూర్యనారాయణకు మొత్తం ముగ్గురు పిల్లలు. వారిలో ఒకరు కుమార్తె, ఇద్దరు కుమారులు. మొదటి కుమారుడు ప్రబోధ్, రెండవ కుమారుడు ప్రభాస్ సినిమాల పైన ఉన్న ఇంట్రెస్ట్ తో పెదనాన్న నట వారసుడిగా ఇండస్ట్రీలోకి అడుగుపెట్టి స్టార్ హీరోగా నిలదొక్కుకున్నాడు. కానీ ప్రబోధ్ సినిమాలపై పెద్దగా ఆసక్తి లేకపోవడంతో తనకు బిజినెస్ పై ఉన్న ఇంట్రెస్ట్ తో భీమవరం, మొగల్తూరులో ఉండే వాళ్ళ కొబ్బరి తోటలు, రొయ్యల చెరువులు, చేపల చెరువులను చూసుకుంటూనే మరోవైపు చాలా బిజినెస్ చేస్తున్నాడు.
ప్రభాస్ సన్నిహితులు యూవీ క్రియేషన్స్ మొదలు పెట్టిన సమయంలో ప్రబోధ్ ని కూడా భాగస్వామిగా తీసుకోవాల‌ని అనుకున్నారట. కాని ఏమైందో ఏమో కాని ఆయన ఇందులో భాగస్వామిగా లేదుడ. ఇక ఆ మధ్య చెక్ బౌన్స్ కేసులో ఇరుక్కుని ఏడాది పాటు జైలు శిక్ష అనుభవించినట్టుగా తెలుస్తుంది. ప్రభోద్ జైల్లో ఉన్న టైంలో ఆయన వ్యాపారాలకు చాలా బాగా నష్టం కలిగింది. కానీ ఆయన జైలు నుంచి రిలీజ్ అయి వచ్చిన తర్వాత అంతే వేగంగా బిజినెస్‌లో పుంజుకుని.. ప్రస్తుతం తనే ఎంచుకున్న వ్యాపారంగంలో లాభాలతో రాణిస్తున్నాడు.
