Nikhil : ‘కార్తికేయ 2’ మూవీ తర్వాత ఇండియా వైడ్‌గా గుర్తింపు పొందిన హీరో నిఖిల్ సిద్ధార్థ్ తాజాగా స్పై అనే పాన్ ఇండియా చిత్రంతో నేడు ప్రేక్ష‌కుల‌ని ప‌ల‌క‌రించాడు. ఈడీ ఎంటర్‌టైన్మెంట్స్ బ్యానర్‌పై రాజశేఖర్ రెడ్డి కె నిర్మించారు. ఐశ్వర్య మీనన్ కథానాయిక. ఆర్యన్ రాజేష్, మకరంద్ దేశ్‌పాండే, అభినవ్ గోమఠం తదితరులు కీలక పాత్రలు పోషించారు. విశాల్ చంద్రశేఖర్ స్వరాలు సమకూర్చగా.. శ్రీచరణ్ పాకాల బ్యాక్‌గ్రౌండ్ స్కోర్ అందించారు. అయితే సాధార‌ణంగా స్పై సినిమాల్ని థ్రిల్లింగ్ స్టోరీలైన్‌, భారీ యాక్ష‌న్ స‌న్నివేశాలు, హీరోయిజం హంగుల‌తో చివ‌రి వ‌ర‌కు ఎంగేజింగ్‌గా న‌డిపించ‌డం చాలా ముఖ్యం.
అంత‌ర్లీనంగా దేశ‌భ‌క్తిని కూడా చూపించాలి. అవ‌న్నీ స‌మ‌పాళ్ల‌లో కుదిరిన‌ప్పుడే స్పై సినిమాలు ప్రేక్ష‌కుల్ని మెప్పించే ఆస్కారం ఉంటుంది. ఇందులో ఏ ఒక్క అంశం మిస్స‌యినా మొద‌టికే మోసం వ‌స్తుంది. స్పై చిత్రం విషయంలో అదే జ‌రిగింది. ఇప్పుడొస్తున్న స్పై సినిమాల‌కు భిన్నంగా సీరియ‌స్ గా కాకుండా క‌మ‌ర్షియ‌ల్ పంథాలో కామెడీ, రొమాంటిక్ యాంగిల్ కూడా మిక్స్ చేయ‌డంతో సినిమా మొత్తం గంద‌ర‌గోళంగా మారిపోయింది. సినిమాలో ఏం జ‌రుగుతుందో, క‌థ ఎటు వెళుతుందో తెలియ‌క ప్రేక్ష‌కుడిని క‌న్ఫ్యూజ‌న్‌లో ప‌డేసింది.
స్పై మూవ పేరుకే పేరుకే స్పై థ్రిల్ల‌ర్ మూవీ కానీ ఆడియెన్స్‌ను థ్రిల్ చేసే హై మూవ్‌మెంట్స్ ఒక్క‌టంటే ఒక్క‌టి కూడా సినిమాలో క‌నిపించ‌దు. యాక్ష‌న్ స‌న్నివేశాల్లో కొత్త‌ద‌నం లేదు.ఈ సినిమా కోసం నిఖిల్ ప‌డ్డ క‌ష్టం అంతా వృధా అయింది. యాక్ష‌న్ రోల్‌కు న్యాయం చేసేందుకు నిఖిల్ చాలా క‌ష్ట‌ప‌డ్డాడు. ఆర్యన్ రాజేష్ మూడు సీన్స్‌, రానా ఒక్క సీన్‌కు ప‌రిమిత‌మ‌య్యారు. చిత్రం ఇలాంటి తేడా కొట్ట‌డంతో నిఖిల్ చాలా బాధ‌లో ఉన్నాడు. త‌న స‌న్నిహితుల దగ్గ‌ర సినిమా ఫ్లాప్ అయినందుకు బాధ‌పడుతున్న‌ట్టు తెలుస్తుంది. అయితే ఈ సారి మాత్రం కాస్త గ్యాప్ తీసుకొని అయిన మంచి హిట్ ఇవ్వాల‌నే క‌సితో నిఖిల్ ఉన్నాడ‌ట.
