Niharika Konidela : మెగా ప్రిన్స్ వరుణ్ తేజ్, అందాల భామ లావణ్య త్రిపాఠి పెళ్లి బంధంతో నవంబర్ 1న ఒక్క‌టైన విష‌యం తెలిసిందే. మెగా ఫ్యామిలీ, అల్లు ఫ్యామిలీ, లావణ్య ఫ్యామిలీ స‌మ‌క్షంలో ఈ జంట ఏడ‌డుగులు వేసారు. ప్ర‌స్తుతం వరుణ్ తేజ్ లావణ్య త్రిపాఠి ఫోటోలు సోషల్ మీడియాలో వైల్డ్ ఫైర్ లాగా ట్రెండ్ అవుతున్నాయి. అభిమానులు ‘VarunLav’ అనే హ్యాష్ ట్యాగ్ తో ట్రెండ్ చేస్తున్నారు. ఇక వరుణ్ తేజ్, లావణ్యలకు శుభాకాంక్షలు తెలుపుతూ ప‌లువురు సోషల్ మీడియాలో పోస్ట్‌లు కూడా పెడుతున్నారు. మెగాస్టార్ చిరంజీవి, పవన్ కళ్యాణ్, నాగబాబు, రాంచరణ్, అల్లు అర్జున్, సాయిధరమ్ తేజ్, వైష్ణవ్, అల్లు శిరీష్ ఇలా మెగా ఫ్యామిలీ మొత్తం వరుణ్ పెళ్ళిలో సందడి చేశారు.
ఇటలీలో డెస్టినేషన్ వెడ్డింగ్ చాలా కోలాహలంగా జరిగింది. మెగా ఫ్యామిలీ మెంబర్స్ పెళ్లిలో డ్యాన్స్ చేసిన దృశ్యాలు కూడా వైరల్ అయ్యాయి. ఇటలీలో డెస్టినేషన్ వెడ్డింగ్ గా జరిగిన వరుణ్, లావణ్య పెళ్లి కోసం నాగబాబు దాదాపు రూ 10 కోట్లు ఖర్చు చేసిన‌ట్టు స‌మాచారం.. కొడుకు పెళ్లి అందరికీ గుర్తుండి పోయే విధంగా ఉండాలని నాగబాబు ఖర్చుకి వెనుకాడలేదట. మెగా ఫ్యామిలీ, లావణ్య ఫ్యామిలీ, ఇతర స్నేహితులు, సన్నిహితులు మొత్తం 120 మంది ఈ పెళ్ళికి హాజరయ్యారు. కాక్ టెల్ పార్టీ నుంచి, హల్దీ, మెహందీ, పెళ్లి ఇలా ప్రతి కార్యక్రమం గ్రాండ్ గా ఉండేలా చూసుకున్నారు. వెడ్డింగ్ కార్డులు కూడా ఎంతో అందంగా డిజైన్ చేసి డిస్ట్రిబ్యూట్ చేశారు. నవంబర్ 5న ఎన్ కన్వెన్షన్ సెంటర్ లో గ్రాండ్ గా రిసెప్షన్ ఉండబోతోంది. మొత్తం 1000 మంది అతిథులు హాజరు కాబోతున్నట్లు తెలుస్తోంది.
పెళ్లిలో వధూవరులు వరుణ్-లావణ్యలతో దిగిన ఫోటో షేర్ చేసిన నిహారిక… ‘వదినమ్మ వచ్చేసింది’ అని కామెంట్ తో పాటు హార్ట్ ఎమోజీ జోడించింది. ఈ పోస్ట్ క్రింద కొందరు దారుణమైన కామెంట్స్ పోస్ట్ చేశారు. ఓ నెటిజన్… ‘వదినమ్మ వచ్చింది నీ మొగుడు వెళ్ళిండు’ అని కామెంట్ చేశాడు. మరొక నెటిజన్ ‘వాళ్ళను చెడగొట్టకు’ అని కామెంట్ చేశాడు. విడాకులు తీసుకున్న‌ప్ప‌టి నుండి నిహారిక‌ని ఏదో ర‌కంగా ట్రోల్ చేస్తూనే ఉన్నారు.
