Niharika : నాగ‌బాబు త‌న‌య నిహారిక ఇటీవ‌ల పలు విష‌యాల‌తో వార్త‌ల‌లో నిలుస్తూ ఉండ‌డం మ‌నం చూస్తూనే ఉన్నాం. ఆ మ‌ధ్య పోలీసులు హోట‌ల్‌పై జ‌రిపిన దాడిలో నిహారిక దొర‌క‌డంతో అప్పట్లో ఆమె పేరు వార్త‌ల‌లో నిలిచింది. ఇక ఇప్పుడు ఆమె విడాకుల వార్తలు చ‌ర్చ‌నీయాంశంగా మారాయి. నిహారిక, చైతన్య ఇన్‌స్టాగ్రామ్‌లో ఒకరినొకరు అన్‌ఫాలో చేసుకున్నారు. మెగా ఫ్యామిలీలో అందరినీ ఫాలో అవుతున్న చైతన్య.. నిహారికను మాత్రం అన్‌ఫాలో చేయడం అంద‌రికి ఆశ్చ‌ర్యాన్ని క‌లిగిస్తుంది.. అంతేకాదు, తమ పెళ్లి ఫొటోలను సైతం చైతన్య ఇన్‌స్టాగ్రామ్ నుంచి డిలీట్ చేశారు.
చైతన్య ఇన్‌స్టాగ్రామ్ అకౌంట్‌లో నిహారికతో దిగిన ఒక్క ఫొటో కూడా లేదు. దీంతో నిహారిక, చైతన్య విడాకులు తీసుకోతున్నారనే వార్తలు మళ్లీ ఊపందుకున్నాయి. నిజానికి నిహారిక, చైతన్య 2020 డిసెంబర్ 9న రాజస్థాన్‌లోని ఉదయ్‌పూర్‌లో ఉన్న ఒబెరాయ్ ఉదయ్ విలాస్‌లో అంగరంగ వైభవంగా వీరి వివాహ వేడుక జ‌రిగింది.. ఈ వివాహ వేడుకలో మెగా, అల్లు ఫ్యామిలీలతో పాటు సినిమా ఇండస్ట్రీ నుంచి చాలా మంది సెలబ్రిటీలు కూడా పాల్గొన్నారు. జంట చూడముచ్చటగా ఉందని అప్పట్లో వీరిపై ప్రశంసల జల్లు కురిపించారు.
మూడేళ్లుగా ఎంతో అన్యోన్యంగా ఉంటూ వ‌స్తున్న ఈ జంట ఇప్పుడు విడిపోతున్నార‌ని తెలిసి అభిమానులు చాలా ఫీల‌వుతున్నారు. అయితే విడాకుల‌పై నిహారిక ఏమైన స్పందిస్తుందా అని అంద‌రు ఆస‌క్తిగా ఎదురు చూస్తున్న స‌మ‌యంలో పోస్ట్ పెట్టింది. త్వరలో డిస్నీ ప్లస్ హాట్ స్టార్ లో ప్రసారం కానున్న ప్రాజెక్ట్ కి సంబంధించిన ప్రోమో ఇంస్టాగ్రామ్ లో పోస్ట్ చేశారు నిహారిక. డెడ్ పిక్సెల్స్ టైటిల్ తో తెరకెక్కుతున్నఈ ప్రాజెక్ట్ నిహారిక నిర్మించి, నటిస్తున్నట్లు సమాచారం. త‌న విడాకుల‌కి సంబంధించి నిహారిక ఏమైన స్పందిస్తుందా అనుకుంటున్న స‌మ‌యంలో నిహారిక షేర్ చేసిన పోస్ట్ కూడా అంద‌రి దృష్టిని ఆకర్షిస్తుంది.
