Nara Lokesh : నారా లోకేష్ ప్ర‌స్తుతం యువ‌గ‌ళం పాద‌యాత్ర‌లో బిజీగా ఉన్నారు. ఆయ‌న ప‌లు ప్రాంతాలు చుట్టేస్తూ పలువురిని క‌లుస్తూ త‌మ ప్రభుత్వం వ‌స్తే ఎలాంటి ప‌నులు చేప‌డ‌తారా చెప్పుకొస్తున్నారు. మ‌రోవైపు నారా లోకేష్ వైసీపీపై విమ‌ర్శ‌లు గుప్పిస్తున్నారు. జగన్‌కు ఆత్మలతో మాట్లాడే శక్తి ఉందని తెలుగుదేశం పార్టీ జాతీయ ప్రధాన కార్యదర్శి నారా లోకేశ్ సెటైర్లు వేశారు. చంద్రబాబు, పవన్‌ కళ్యాణ్ చేతులు కలవకుండా కొన్ని శక్తులు విశ్వప్రయత్నం చేశాయన్నారు. తెలుగుదేశం , జనసేన పార్టీలు కలిసి ప్రభుత్వం ఏర్పాటు చేయడం ఖాయమని స్పష్టం చేశారు. మూడు నెలలు ఓపికగా ఉండండి.. మన ప్రభుత్వం రాబోతుందని స్పష్టం చేశారు. విషపూరితమైన మందును ముఖ్యమంత్రి జగన్మోహన్‌రెడ్డి అమ్ముతూ డబ్బులు దోచుకుంటున్నాడని తీవ్ర ఆగ్రహం వ్యక్తం చేశారు.
ఇక స్టూడెంట్ తో ఇంటరాక్ష‌న్ స‌మ‌యంలో ఓ లేడి విద్యార్ధిని మాట్లాడుతూ.. జాయింట్ అకౌంట్ అని కొత్తగా పెట్టారు.అస‌లు అవి ఎందుకు పెట్టారో ఎవ‌రికి అర్ధం కావ‌డం లేదు. అస‌లు దానికి దీనికి డిఫ‌రెన్స్ ఏంట‌ని అడిగింది. దానికి లోకేష్ ప‌గ‌ల‌బ‌డి న‌వ్వేశాడు. మీరు వ‌చ్చాక ఇది మార్చేయండి. క్యాస్ట్ వైజ్ చూస్తున్నారు. మీ ప్రభుత్వం వ‌చ్చాక అది జ‌ర‌గ‌కుండా చూడండి అని చెప్పారు. దానికి స్పందించిన లోకేష్ ఇలాంటివి జ‌ర‌గ‌కుండా త‌ప్ప‌కుండా చూస్తాం. జ‌గ‌న్‌కి ఆత్మలతో మాట్లాడే అల‌వాటు ఉంది. అందుకే ఆయ‌న ఎప్పుడు ఏం చేస్తాడో ఎవ‌రికి అర్ధం కాదు అంటూ పంచ్‌లు వేశాడు లోకేష్.
ఏపీలో నిశబ్ధ యుద్ధం జరగబోతుందని చెప్పారు. చరిత్రలోనే 100 సంక్షేమ పథకాలను కట్‌ చేసిన ఏకైక వ్యక్తి జగన్రెడ్డి అని దెప్పిపొడిశారు. ఛార్జీలను అడ్డగోలుగా పెంచుతూ ఏపీలో జగన్రెడ్డి బాదుడే బాదుడుతో ముందుకెళ్తున్నారని అన్నారు. మాట ఇచ్చి మడమ తప్పిన వ్యక్తి ఈ సైకో జగన్‌ అని చెప్పారు నారాల లోకేష్. అధికారంలోకి రాగానే నిరుద్యోగ భృతి రూ.3 వేలు ఇస్తామని ప్రకటించారు. దళితులకు రావాల్సిన 27 సంక్షేమ పథకాలను వైసీపీ ప్రభుత్వం రద్దు చేసిందని ధ్వజమెత్తారు. టీడీపీ అధికారంలోకి వచ్చిన మొదటి 100రోజుల్లో 27 దళిత సంక్షేమ పథకాలను మళ్లీ తీసుకువస్తామని వెల్లడించారు.
