Naga Chaitanya : గ‌త కొంత కాలంగా అక్కినేని ఫ్యామిలీ హీరోల‌కు స‌రైన విజ‌యాలు లేక స‌త‌మ‌త‌మ‌వుతున్నారు. నాగార్జున మొద‌లుకొని నాగ చైత‌న్య, అఖిల్, సుషాంత్ ఇలా వీరంద‌రికీ వ‌రుస ప‌రాజ‌యాలు ఎదుర‌వుతున్నాయి. దీనింత‌టికీ కార‌ణం వీరి సినిమా టైటిల్స్ అనే కొంద‌రు అభిప్రాయ‌ప‌డుతున్నారు. కొద్ది రోజుల క్రితం నాగ చైత‌న్య హీరోగా చేసిన థాంక్యూ సినిమా డిజాస్ట‌ర్ గా నిలిచిన సంగ‌తి తెలిసిందే.
ప్ర‌స్తుతం నాగ చైత‌న్య త‌మిళ ద‌ర్శ‌కుడు వెంక‌ట్ ప్ర‌భు ద‌ర్శ‌క‌త్వంలో త‌న 22వ సినిమా చేస్తున్న విష‌యం కూడా ఈ మ‌ధ్యే తెలిసింది. ఈ సినిమాను త‌మిళ తెలుగు భాష‌ల్లో ఏక కాలంలో నిర్మిస్తున్నారు. కొన్ని వ‌ర్గాల నుండి అందిన స‌మాచారాన్ని బ‌ట్టి ఈ మూవీకి 302 అనే టైటిల్ ను దాదాపుగా ఖ‌రారు చేసిన‌ట్టు వినిపిస్తుంది. అయితే ఈ నాగ చైత‌న్య సినిమాకు ఈ పేరు పెట్ట‌డం ప‌ట్ల అక్కినేని అభిమానులు అసంతృప్తితో ఉన్న‌ట్టు తెలుస్తుంది. ఇలా చెత్త టైటిల్స్ పెట్ట‌డం వ‌ల్ల‌నే అక్కినేని ఫ్యామిలీలో సినిమాలు స‌రైన విజ‌యం సాధించ‌లేక‌పోతున్నాయ‌ని వారు చెబుతున్నారు. ఈ మ‌ధ్య కాలంలో అక్కినేని కుటుంబం నుండి వ‌చ్చిన సినిమాలు కూడా ట్రైల‌ర్ బాగున్న‌ప్ప‌టికీ పేరు బాగా లేక‌పోవ‌డం వ‌ల్ల ప్రేక్ష‌కుల‌లో సినిమా చూడాల‌నే ఆస‌క్తిని క‌లిగించ‌లేకపోయాయ‌ని అంటున్నారు.
ఈ క్ర‌మంలోనే నాగార్జున నుండి వ‌చ్చిన ఆఫీస‌ర్, వైల్డ్ డాగ్, ది ఘోస్ట్ నాగ చైత‌న్య థాంక్యూ సినిమాలు కూడా హైప్ తీసుకురావ‌డంలో రావ‌డంలో విఫ‌లమై చివ‌ర‌కు ఘోరంగా ప‌రాజ‌యం అయ్యాయ‌ని గుర్తుచేస్తున్నారు. ఇదే విధంగా నాగ చైత‌న్య 22 వ చిత్రం విష‌యంలో కూడా 302 అనే టైటిల్ పై అక్కినేని అభిమానులు అయిష్టంగా ఉన్నార‌ని అంటున్నారు. దానికి బ‌దులుగా ఏదైనా ప‌వ‌ర్ ఫుల్ టైటిల్ పెట్టాల‌ని సూచిస్తున్నారు.
ఇదిలా ఉండ‌గా 302 పేరుతో ఇదివ‌ర‌కే ఒక లో బ‌డ్జెట్ మూవీ ఉంద‌ని అంటున్నారు, నాగ చైత‌న్య ఇప్ప‌టికైనా త‌న త‌ప్పుల‌నుండి నేర్చుకోవాల‌ని స‌ల‌హా ఇస్తున్నారు. అలాగే ఈ సినిమాలో ఒక కీల‌క పాత్ర‌కు ప్రియ‌మ‌ణి ని తీసుకోవ‌డం ప‌ట్ల కూడా కొంద‌రు అభిమానులు సోష‌ల్ మీడియాలో త‌మ అసంతృప్తి ని తెలుపుతున్నారు. ఇక వెంక‌ట్ ప్ర‌భు ద‌ర్శ‌క‌త్వంలో ద్విభాషా చిత్రంగా రూపొందుతున్న ఈ సినిమాలో నాగ చైత‌న్య , ప్రియ‌మ‌ణి ల‌తో పాటు త‌మిళ న‌టులు జీవా, అర‌వింద్ స్వామి ఇత‌ర ముఖ్య పాత్ర‌లు చేయ‌నున్నారు.
