MS Dhoni : మిస్ట‌ర్ కూల్ మ‌హేంద్ర సింగ్ ధోని గురించి యావ‌త్ క్రికెట్ ప్రేక్ష‌కుల‌తో పాటు సినీ ప్రేక్ష‌కుల‌కి కూడా ప‌రిచ‌యం చేయ‌న‌క్క‌ర్లేదు. ధోని బ‌యోపిక్‌తో సుశాంత్ సింగ్ రాజ్ పుత్ ఓ చిత్రాన్ని తెర‌కెక్కించ‌గా, ఈ మూవీ సూపర్ డూప‌ర్ హిట్ అయింది. అయితే ఇప్ప‌టికీ క్రికెట్ ప్రేమికుల‌ని అల‌రిస్తున్న ధోని తన కెప్టెన్సీలో చెన్నై సూపర్ కింగ్స్‌ని ఐపీఎల్‌లో విజేత‌గా నిల‌బెట్టాడు. ఇక ఈ ఏడాదే ధోనికి ఐపీఎల్ కూడా చివ‌రిది కానున్న‌ట్టు తెలుస్తుంది. అయితే క్రికెట్ నుండి మెల్ల‌మెల్ల‌గా దూరం అవుతున్న ధోని సౌత్ సినిమా ఇండస్ట్రీలోకి అడుగుపెట్టనున్నట్టు తెలుస్తోంది. ఎంఎస్ ధోని ఎంటర్‌‌టైన్‌మెంట్ అనే సంస్థను స్థాపించి ఇప్పటికే మూడు సినిమాలను నిర్మించారు.
రోర్‌ ఆఫ్‌ ది లయన్, బ్లేజ్‌ టు గ్లోరీ, ది హిడెన్ హిందూ వంటి చిన్న సినిమాలను ఈ బ్యానర్‌‌లో నిర్మించారు ధోని. క్రికెట్‌లోకి అడుగుపెట్టి కోట్ల మంది కలలను నెరవేర్చారు ధోని. అన్ని ఫార్మాట్‌లలోనూ ఇండియాన్‌ టీమ్‌ను నంబర్‌ వన్‌గా నిలిపారు. ఇప్పుడు ధోనీ దృష్టి సౌత్ సినిమాలపై పడింది. ఈ క్రమంలోనే ధోని ఎంటర్‌‌టైన్‌మెంట్ అనే సంస్థను స్థాపించి తమిళ్, తెలుగు, మలయాళ భాషల్లో సినిమాలు చేయాలని ప్లాన్ చేస్తున్నారని తెలుస్తోంది. సౌత్ ఇండియన్ స్టార్ హీరోలతో ఆయన సినిమాలు చెయ్యడానికి అన్నీ విధాలుగా సన్నాహాలు కూడా చేసుకుంటున్నాడు.
ఈమధ్యనే తమిళ స్టార్ హీరో విజయ్ ని కలిసి ఒక సినిమాని ఫిక్స్ చేసిన ధోని, త్వరలోనే పవర్ స్టార్ పవన్ కళ్యాణ్ తో కూడా ఒక సినిమా చేయబోతున్నట్టు ఫిలిం నగర్ లో ఒక వార్త బలంగా వినిపిస్తుంది.ఈ చిత్రానికి అర్జున్ రెడ్డి ఫేమ్ సందీప్ రెడ్డి వంగ దర్శకత్వం వహించబోతున్నాడట. అయితే ఆ మ‌ధ్య ధోని తన బ‌యోపిక్ మూవీ ప్ర‌మోష‌న్ లో భాగంగా హైద‌రాబాద్‌కి వ‌చ్చారు . అప్పుడు తాను తెలుగు సినిమాలలో బాహుబ‌లి చూసాన‌ని అన్నాడు. ఇక పవన్ కళ్యాణ్ అంటే ఇష్ట‌మ‌ని, హైద‌రాబాద్ బిర్యానీ కూడా త‌న‌కు చాలా ఇష్ట‌మ‌ని స్పష్టం చేశాడు.
