MS Dhoni : మ‌న‌కు బ్ర‌హ్మానందం ఎలానో తమిళ ప‌రిశ్ర‌మ‌కు యోగిబాబు అనే ప‌వ‌ర్ ఫుల్ క‌మెడీయ‌న్ ఉన్నారు. ఈ సినిమాలు తెలుగులోనూ సినిమాలు చాలానే వచ్చాయి. 2009లో తమళి యోగి సినిమా ద్వారా సినీ ఇండస్ట్రీలో అడుగు పెట్టిన ఇతను.. తన కామెడీతో అనేక ఆఫర్లు దక్కించుకున్నాడు. ఇప్పటి వరకు వందలాది సినిమాల్లో నటించి ప్రేక్షకులను కడుపుబ్బా నవ్వించి మెప్పించాడు. అలాంటి ఈ స్టార్ కమెడియన్ కు స్టార్ క్రికెటర్ ఎం.ఎస్ ధోనీ అదిరిపోయే గిఫ్టు ఇచ్చారు. ఈ గిఫ్ట్ చూసి తెగ మురిసిపోయిన యోగిబాబు ఈ విష‌యాన్ని సోషల్ మీడియా ద్వారా తెలియ‌జేశాడు.
టీమిండియా మాజీ కెప్టెన్, చెన్నై సూపర్ కింగ్స్ ప్రస్తుత నాయకుడు ఎంఎస్ ధోనీ నిర్మాతగా అవతారం ఎత్తిన విష‌యం తెలిసిందే. ధోనీ ఎంటర్ టైన్ మెంట్స్ పేరుతో నిర్మాణ సంస్థను ప్రారంభించ‌గా, ఈ సంస్థ తొలి తమిళ చిత్రంగా ఎల్జీఎమ్ (లెట్స్ గెట్ మ్యారీడ్)ను ప్రకటించారు. ఈ చిత్రంలో లవ్ టుడే ఫేమ్ ఇవానా, ప్రముఖ నటి నదియా, హరీష్ కల్యాణ్, యోగి బాబు తదితరులు నటిస్తున్నారు. ఇటీవలే దీనికి సంబంధించిన పూజా కార్యక్రమాలు నిర్వహించారు. కామెడీ, కుటుంబ కథాచిత్రంగా ఇది తెరకెక్కుతుండ‌గా, ఈ సినిమాలో నటిస్తున్న యోగిబాబుకు ఎంఎస్ ధోనీ ప్రత్యేకమైన బహుమతిని అందించారు. తను సంతకం చేసిన బ్యాట్ ను అతనికి పంపించారు. ఆ బ్యాట్ ను పట్టుకుని యోగిబాబు దిగిన ఫొటోలు ప్రస్తుతం సోషల్ మీడియాలో వైరల్ అవుతున్నాయి.
అయితే రెమ్యూనరేషన్‌గా డబ్బుతో పాటు ధోని దగ్గర నుంచి బ్యాటు కూడా పట్టేశావని, చాలా అదృష్ట‌వంతుడ‌వ‌ని కొంద‌రు అంటున్నారు. అయితే ధోని సిగ్నేచ‌ర్ చేసిన బ్యాట్‌ను యోగిబాబుకే ఎందుకు ఇచ్చారో అంటే.. క‌మెడియ‌న్‌గా సినీ ప్రేక్ష‌కుల‌కు సుపరిచితుడైన యోగిబాబు.. చ‌క్క‌గా క్రికెట్ కూడా ఆడుతాడు. సినిమా షూటింగ్స్ నుంచి గ్యాప్ దొరికితే బ్యాట్ పట్టుకుని గ్రౌండ్‌లో దిగిపోతుంటాడు. ఆ క్ర‌మంలోనే ధోని అతనికి మంచి బ్యాట్ గిఫ్ట్ గా ఇచ్చి ఆశ్చ‌ర్య‌పోయేలా చేసిన‌ట్టు తెలుస్తుంది.
