Manchu Lakshmi : టాలీవుడ్ సినీ ప‌రిశ్ర‌మ‌లో మంచు ఫ్యామిలీకి ప్ర‌త్యేక‌మైన గుర్తింపు ఉంది. మంచు మోహ‌న్ బాబు హీరోగా, విల‌న్‌గా ఎన్నో ముఖ్య‌మైన పాత్ర‌లు పోషించగా,ఆయ‌న వార‌సులుగా మంచు విష్ణు, మనోజ్ ఇండ‌స్ట్రీలోకి అడుగుపెట్టారు. వారు అనుకున్న రీతిలో విజ‌యాలు సాధించ‌లేక‌పోయారు. అయితే కొంత కాలంగా వివాద‌ల‌తో మంచు ఫ్యామిలీ వార్త‌ల‌లో నిలుస్తుంది. ఆ ఫ్యామిలీలో విబేదాలు ఎక్కువ‌య్యాయ‌నే వార్త‌లు షికారు చేస్తున్నాయి. మంచు మనోజ్ వ్య‌వ‌హారంతో మోహ‌న్‌బాబు కుటుంబ స‌భ్యుల మ‌ధ్య మ‌న‌స్ప‌ర్థ‌లు బాగా పెరిగాయ‌నే ప్ర‌చారం జ‌రుగుతోంది.
మనోజ్ నంద్యాల జిల్లాకు చెందిన మాజీ మంత్రి టీడీపీ నాయ‌కురాలు భూమి అఖిల ప్రియ చెల్లెలు భూమా మౌనికా రెడ్డిని పెళ్లాడ‌నున్నాడ‌ని, గ‌త కొంత‌కాలంగా ప్రేమించుకుంటున్నార‌ని పెళ్లి పీట‌లు ఎక్కాల‌ని కూడా నిర్ణ‌యించుకున్నారిని, ఈ పెళ్లికి మంచు ఫ్యామిలీ స‌సేమిరా అంటోంద‌ని స‌మాచారం. ఈ క్ర‌మంలోనే మంచు కుటుంబ స‌భ్యుల‌కు మ‌నోజ్‌కు మ‌ధ్య మ‌న‌స్ప‌ర్థ‌లు తీవ్ర‌స్థాయిలో పెరిగాయ‌ని పుకార్లు కొద్ది రోజులుగా హ‌ల్‌చ‌ల్ చేస్తున్నాయి. వీటిపై తాజాగా మంచు ల‌క్ష్మీ స్పందించింది. తమ ఫ్యామిలీ గురించి వస్తున్న వార్తలకు చెక్ పెట్టేశారు.
తమ కుటుంబంలో విభేదాలు జరిగి ఒకరికొకరు దూరంగా ఉంటున్నారని వినిపిస్తున్న వార్తలపై మంచు లక్ష్మి మాట్లాడుతూ.. “మా కుటుంబానికి సంబంధించిన విషయాలన్నీ మా పర్సనల్. ఎందుకంటే మేమెప్పుడూ కలిసే ఉన్నాం. కాకపోతే ఎవరి పనుల్లో వారు బిజీగా ఉండ‌డం వ‌ల‌న క‌ల‌వ‌లేక‌పోతున్నాం. విష్ణుకు ఫ్యామిలీ, పిల్లలు, బిజినెస్ వాటికే టైమ్ సరిపోతుంది. ఇక ఎక్కువగా నేను, మనోజ్ టైమ్ స్పెండ్ చేస్తాం. అందుకే ఎక్కడైనా మేమిద్దరమే కనిపిస్తాం.” అంటూ చెప్పుకొస్తూ… మంచు ల‌క్ష్మీ తమ ఫ్యామిలీపై వస్తున్న రూమ‌ర్స్ కి చెక్ పెట్టే ప్ర‌య‌త్నం చేసింది.
