Samantha : విజయ్ దేవరకొండ, సమంత జంటగా నటించిన ‘ఖుషి’ సినిమా సెప్టెంబ‌ర్ 1న ప్రేక్షకుల ముందుకు వ‌చ్చంది. ఈ సినిమాకు హిట్ టాక్ రావడంతో దర్శకుడు శివ నిర్వాణ, నిర్మాతలు నవీన్ యెర్నేని, వై.రవిశంకర్ హైదరాబాద్‌లో మీడియా సమావేశం నిర్వహించారు. సినిమా విజయంపై వారు ఆనందం వ్యక్తం చేశారు. అయితే, ఈ ప్రెస్ మీట్‌లో దర్శకుడు శివ నిర్వాణకు ఒక క్లిష్టమైన ప్రశ్న ఎదురైంది. సినిమాలో విజయ్ దేవరకొండ, సమంతలకు లిప్ లాక్ సీన్స్ ఎందుకు పెట్టాల్సి వచ్చింది అని ఒక జర్నలిస్ట్ అడిగారు. దీనికి శివ నిర్వాణ చాలా కూల్‌గా సమాధానం ఇచ్చారు. ‘
ఇద్దరూ ఒక ఏడాది పాటు కలిసి ప్రయాణం చేశారు.. పెళ్లయ్యింది.. పిల్లల కోసం అని ఒక ఎమోషన్ పెట్టాం.. ఈ ఎమోషన్‌లో ఒక చిన్న ముచ్చట కూడా లేకపోతే అసలు అర్థంపర్థం ఉంటుందా. కొంచెం నేచురల్‌గా చూపించాలి కదా. జనం నమ్మాలికదా. నిజంగానే భార్యాభర్తలుగా ఉన్నారనే ఫీలింగ్ రావాలి కదా’. అది ఇలా సింపుల్ గా, పద్దతిగా ఉన్నంతవరకు ప్రాబ్లమ్ లేదు అని దర్శకుడు శివ నిర్వాణ అన్నారు. అయితే పలువురు నెటిజన్లు భార్య భర్తల సినిమాలు, ఇంతకంటే ఎక్కువ ఎమోషన్ సినిమాలు రొమాంటిక్ సీన్స్, లిప్ కిస్ సీన్స్ లేనివి చాలా సినిమాలు ఉన్నాయి, మరి వాళ్ళు ఎలా తీశారు అని కామెంట్స్ చేస్తున్నారు.
విజయ్ దేవరకొండ , సమంత జంటగా శివ నిర్వాణ దర్శకత్వంలో వచ్చిన లవ్ రొమాంటిక్ ఎంటర్టైనర్ ఖుషి. ఈ సినిమా మూడు రోజుల్లోనే 70 కోట్ల గ్రాస్ కలెక్ట్ చేసి 100 కోట్ల కలెక్షన్స్ కి దూసుకుపోతుంది. ఖుషి సక్సెస్ తో చిత్రయూనిట్ సక్సెస్ మీట్స్ కూడా నిర్వహిస్తుంది. ఖుషి సినిమా ఫ్యామిలీ స్టోరీ అని చెప్తున్నా విజయ్, సమంత మధ్య రొమాంటిక్ సీన్స్ కూడా ఉన్నాయి. ఒక పాటలోనే వీరిద్దరి మధ్య క్లోజ్ రొమాంటిక్ సీన్స్ పెట్టారు. విజయ్ సమంతలతో లిప్ కిస్ సీన్ కూడా పెట్టారు. ఇది కొంత మందికి మింగుడుప‌డ‌డం లేదు. అయితే ఈ సినిమా స‌క్సెస్‌తో డిస్ట్రిబ్యూట‌ర్స్ కూడా హ్యాపీగా ఉన్నారు.
