Kriti Sanon : బాలీవుడ్ భామ కృతి శెట్టి తెలుగులో వ‌న్ నేనొక్క‌డినే అనే సినిమాలో నటించిన విష‌యం తెలిసిందే. ఈ చిత్రం బాక్సాఫీస్ ద‌గ్గ‌ర బోల్తా కొట్టింది. ఇక ఈ సినిమా తర్వాత నాగ చైత‌న్య‌తో దోచేయ్ అనే మూవీ చేసింది. ఈ చిత్రం కూడా ఫ్లాప్ అయింది. ఆ స‌మ‌యంలో బాలీవుడ్‌లోనే ఎక్కువ‌గా సినిమాలు చేస్తూ స్టార్ హీరోయిన్‌గా పేరు ప్ర‌ఖ్యాత‌లు అందుకుంది. ఈ అమ్మ‌డు చాలా రోజుల తర్వాత ఆదిపురుష్ అనే సినిమాతో తెలుగులోకి రీఎంట్రీ ఇస్తుంది. ప్రభాస్ , కృతిసనన్ జంటగా నటించిన ‘ఆది పురుష్ చిత్రం జూన్ 16న విడుదల కానుంది. చిత్ర ప్ర‌మోష‌న్ కార్య‌క్ర‌మంలో భాగంగా మూవీ ప్రీ రిలీజ్ ఈవెంట్ తిరుపతిలో గ్రాండ్ గా జరిగింది.
చిన జీయర్ స్వామి స్పెషల్ గెస్ట్ గా హాజరైన ఈ వేడుకలో ప్రభాస్ గురించి కృతి ఆసక్తికర కామెంట్స్ చేశారు. ఆయన గురించి అందరూ అనుకుంటున్నది నిజం కాదని చెప్పారు. ముందుగా ఈవెంట్ “జై శ్రీ రామ్” నినాదంతో స్పీచ్ ప్రారంభించిన ఆమె.. తమకు మద్దతు తెలియజేయడానికి పెద్ద సంఖ్యలో తరలివచ్చిన ప్రభాస్ అభిమానులకి ధ‌న్య‌వాదాలు తెలియ‌జేసింది. ఇక తెలుగు చిత్ర పరిశ్రమలో నా కెరీర్‌ని ప్రారంభించిన తొమ్మిదేళ్ల తర్వాత ‘ఆదిపురుష్’ సినిమాతో మళ్లీ మీ అందరి ముందుకు వస్తున్నాను. ఈ సినిమాలో నేను పోషించిన జానకి పాత్రకు చాలా ప్రాముఖ్యత ఉంది అని పేర్కొంది.
కొన్నిసార్లు మనం సినిమాలను ఎంచుకోవడం కాదు, కొన్ని సినిమాలు మనల్ని ఎంచుకుంటాయి. ఈ కథ చెప్పడానికి జానకి నన్ను ఎంచుకున్నట్లు నాకు అనిపిస్తుంది. ఈ సినిమా విజయం సాధించి, ఎప్పటికీ నిలిచిపోయే హిట్‌గా నిలవాలని మీ ఆశీస్సులు కోరుతున్నాం” అని అన్నారు. ప్రభాస్‌తో కలిసి పనిచేసిన అనుభవాన్ని కూడా చెప్పుకొస్తూ.. ప్రభాస్ మాట్లాడడు అని నాకు చాలా మంది చెప్తూ ఉంటారు. కానీ అది నిజం కాదు. అత‌ను వెరీ స్వీట్. ఆయన కళ్లలోని ప్రశాంతత, స్వచ్ఛత శ్రీరాముడి గుణాలకు ప్రతిబింబమని నేను భావిస్తున్నాను. శ్రీరాముడి పాత్రను ప్రభాస్ కంటే మ‌రెవ‌రు పోషించ‌లేర‌ని తెలిపింది. అయితే కృతి మాట్లాడుతున్న స‌మ‌యంలో కొంద‌రు వ‌దిన వ‌దిన అంటూ కేక‌లు వేశారు. ఆ స‌మ‌యంలో స్టేజ్ పైనే ఉన్న యాంక‌ర్ ప్ర‌దీప్ ముసిముసి న‌వ్వులు న‌వ్వుకున్నారు. కాగా కృతి స‌న‌న్, ప్రభాస్ మ‌ధ్య స‌మ్ థింగ్ స‌మ్‌థింగ్ న‌డుస్తుంద‌ని ఇటీవ‌ల ప్ర‌చారాలు జ‌రుగుతున్న విష‌యం తెలిసిందే.
