HIT 2 Movie : టాలీవుడ్ యంగ్ హీరో అడివి శేష్ వైవిధ్య‌మైన సినిమాల‌తో ప్రేక్ష‌కుల‌ని అల‌రిస్తున్న విష‌యం తెలిసిందే. ఆయ‌న‌కు అచ్చొచ్చిన థ్రిల్లర్‌ జానర్‌లో సినిమాలు చేస్తూ బ్యాక్‌ టు బ్యాక్‌ హిట్స్‌ అందుకుంటున్నాడు. ఈ ఏడాది మేజర్‌తో పాన్‌ ఇండియా రేంజ్‌లో సూపర్‌హిట్ కొట్టిన అడివిశేష్‌.. రీసెంట్‌గా హిట్-2తో మరో బ్లాక్‌బస్టర్‌ను ఖాతాలో వేసుకున్నాడు. ‘హిట్ ది ఫస్ట్ కేస్’ సీక్వెల్ గా శైలేష్ కొల‌ను హిట్2 ను కూడా మరిన్ని థ్రిల్లింగ్ ఎలిమింట్స్‌తో ఆసక్తికరంగా తీర్చిదిద్దాడు. న్యాచురల్‌ స్టార్‌ నాని స‌మ‌ర్పణలో వాల్‌ పోస్టర్‌ సినిమా బ్యాన‌ర్‌పై ప్రశాంతి త్రిపిర్‌నేని ఈ క్రైమ్‌ థ్రిల్లర్‌ను నిర్మించారు.
చిత్రంలో మీనాక్షి చౌదరి, కోమలీ ప్రసాద్ కథానాయికలుగా నటించారు. డిసెంబర్ 2న విడుదలైన ఈ చిత్రం బాక్సాఫీస్‌ వద్ద కలెక్షన్ల వర్షం కురిపించింది. ఫస్ట్ వీకెండ్‌లోనే బ్రేక్‌ ఈవెన్‌ పూర్తి చేసుకుని భారీగా వ‌సూళ్లు రాబ‌ట్టింది. లేటెస్ట్ అప్ డేట్స్ ప్రకారం.. హిట్ 2 ప్రముఖ ఓటిటి ప్లాట్‌ఫారమ్ అమెజాన్ ప్రైమ్ వీడియోలో స్ట్రీమింగ్ కు అందుబాటులో ఉంది. ఈ శుక్రవారం (జనవరి 6) నుండి ప్రతి ప్రైమ్ యూజర్‌కి సినిమా అందుబాటులో ఉంటుందని తెలుస్తుంది.. అయితే ఈ మూవీ పేయిడ్ కాటగిరీ లో పెట్టారు మేకర్స్.. ఎవరైనా సరే ఈ మూవీ చూడటానికి రూ.129 రెంట్ చెల్లించాల్సి ఉంటుందట.
స‌బ్ స్క్రైబర్స్‌కి ఎలాంటి రెంట్ లేకుండా హిట్2 మూవీని అమెజాన్ ఉంచాల‌ని అనుకుంటుంద‌ట. అది ఎప్పుడు అనేది మాత్రం క్లారిటీ రావడం లేదు. సంక్రాంతి త‌ర్వాత అనే ప్రచారం మాత్రం జరుగుతోంది. అడవి శేష్ ఈ మూవీలో పోలీస్ ఆఫీసర్‌గా కనిపించాడు. క్రిమినల్స్‌వి కోడి బుర్రలంటూ ఎగతాళి చేసే అడవి శేష్‌కి ఓ క్రూరమైన మర్డర్ కేసుతో పెద్ద సవాల్ ఎదురవుతుంది. అమ్మాయి మర్డర్ కేసు దర్యాప్తులో వేర్వేరుగా తెగి పడి ఉన్న అవయవాలు నలుగురు అమ్మాయిలవి అని తెలియడంతో మూవీ ఇంటస్ట్రింగ్‌గా మారింది.. ఈ హ‌త్య‌లు చేస్తున్న కిల్ల‌ర్ ఎవ‌రు? ఎందుకు ఆ అమ్మాయిల్ని టార్గెట్ చేశాడు? క్రిమినల్‌ని హీరో ఎలా పట్టుకున్నాడు? అనేది సినిమాలో ఆస‌క్తిగా చూపించారు.
