Badri Movie : టాలీవుడ్ చిత్ర పరిశ్రమలో బద్రి సినిమా అఖండమైన విజయాన్ని అందుకుంది. పవన్ కళ్యాణ్ హీరోగా మాస్ ప్రేక్షకులకు అత్యంత దగ్గర అయింది కూడా ఈ చిత్రంతోనే కావడం విశేషం. ఏప్రిల్ 20 తేదీ, 2000 సంవత్సరంలో బద్రి సినిమా విజయలక్ష్మి మూవీస్ బ్యానర్ పై త్రివిక్రమ్ రావు నిర్మాణంలో విడుదలైంది. ఈ సినిమాతోనే పవన్ మరియు రేణుదేశాయ్ లకు మధ్య పరిచయం ఏర్పడి అది ప్రేమగా మారి.. పెళ్లి వరకూ వెళ్ళింది.
పవన్ కళ్యాణ్ ఆటిట్యూడ్, పూరీ జగన్నాథ్ డైలాగులు ఈ సినిమాకు హైలైట్ గా నిలిచాయి. అయితే ఈ సినిమా వెనుక మనకు తెలియని కొన్ని రహస్యాలు ఉన్నాయి. అసలు ఈ సినిమా కోసం హీరోగా ముందు పవన్ కళ్యాణ్ ను అనుకోలేదట. పవన్ కంటే ముందుగా మరో స్టార్ హీరోను ఈ సినిమాకోసం తీసుకోవాలని అనుకున్నారట. సినిమా ఇండస్ట్రీలో ఇలా హీరో కోసం కథ రాసుకుని.. డేట్స్ కుదరక మరో హీరోను తీసుకున్న సంఘటనలు చాలానే ఉన్నాయి. అలాగే బద్రి సినిమా విషయంలో కూడా అలాగే జరిగింది.
ఈ సినిమా కథను నాగార్జున కోసం రాసుకున్నాడట. అయితే ఆయన డేట్స్ కుదరక పోవడంతో.. పవన్ కళ్యాణ్ తో ఈ సినిమా చేశారు పూర జగన్నాథ్. అయితే పవన్ కళ్యాణ్ క్లైమాక్స్ ను మార్చాలని కోరారట. కానీ దానికి పూరీ జగన్నాథ్ ఒప్పుకోలేదు. అయిన‌ప్ప‌టికీ పవన్ కళ్యాణ్ బద్రి సినిమా చేశారు. త‌రువాత అది ఎంత పెద్ద హిట్ అయిందో అంద‌రికీ తెలిసిందే.
