Chiranjeevi: గ‌త కొద్ది రోజులుగా శ్రీజ పేరు వార్త‌ల‌లో తెగ నిలుస్తుంది. ఈమె ప్రేమించి పెళ్లి చేసుకొని ఆ తర్వాత అత‌నికి విడాకులు ఇచ్చి రెండో పెళ్లి చేసుకుంది. ఇప్పుడు అత‌ని నుండి కూడా విడిపోయినట్టు కొద్ది రోజులుగా ప్ర‌చారం న‌డుస్తుంది. అయితే కుమార్తె శ్రీజ అంటే చిరంజీవికి ఎనలేని ప్రేమ. ఆమె ఏదడిగినా కాదనరు. బాగా గారాబం చేస్తారు. ఇటీవ‌ల శ్రీజ కు చిరంజీవి ఖరీదైన బహుమతి ఇచ్చినట్లు తెలుగు చలనచిత్ర పరిశ్రమలో టాక్ న‌డిచింది. బంజారాహిల్స్ లోని ఎమ్మెల్యే కాలనీలో ఒక విలాసవంతమైన ఇంటిని చిరంజీవి కొనుగోలు చేశారని, దాని విలువ రూ.35 కోట్లని అన్నారు. దానిని శ్రీజ‌కి చిరు గిఫ్ట్‌గా ఇచ్చిన‌ట్టు టాక్.
చిరంజీవి మదర్స్ డే రోజు చిరంజీవి తన తల్లి అంజనాదేవి గురించి మరియు తన చిన్న కూతురు శ్రీజ గురించి మాట్లాడారు. చిరంజీవి మాట్లాడుతూ.. మా అమ్మాయి శ్రీజ వాళ్ళ నాన్నమ్మ దగ్గరికి వెళ్లి తనకు చాలా బాధగా ఉందని అంద‌ట. దానికి మా అమ్మ.. జీవితం అంటే ఇలానే ఒక్కళ్ళతోనే సాగేది కాదు.. ఎక్కడ నీ మనసుకి నచ్చకపోతే అక్కడ ఉండకు అని చెప్పింద‌ట. ఎక్కడ నీ మనసు బాగుంటే అక్కడే ఉండు అని ఆమె అన‌డంతో, ఆ మాటలు విన్న శ్రీజ నా దగ్గరికి వచ్చి.. నాన్న నాన్నమ్మ తో మాట్లాడిన తర్వాత నాకు ఎంతో ధైర్యం వచ్చింది. జీవితంలో ఏదైనా సాధించగలనని కాన్ఫిడెన్స్ కూడా వచ్చింది అని చెప్పిన‌ట్టు చిరు పేర్కొన్నారు తన కూతురు శ్రీజ గురించే చిరంజీవి చాన్నాళ్లకు నోరు విప్పి మాట్లాడడం హాట్ టాపిక్ అయింది.
శ్రీజ ఇటీవ‌ల సోషల్ మీడియాలో పెట్టే ప్రతి పోస్ట్ లో కొత్త అర్థాలు వెతుకుంటున్నారు నెటిజన్లు. అందుకు ప్రధాన కారణం భర్త కళ్యాణ్ దేవ్‌తో శ్రీజ దూరంగా ఉంటోంది అనే టాక్ బయటకు రావడమే. హీరోయిన్ కాకపోయినా చిరంజీవి చిన్నకూతురు శ్రీజ గురించి ప్రతి ఒక్కరికీ తెలుసు. తన వ్యక్తిగత జీవితంలో నెలకొన్న పరిస్థితుల కారణంగా తరచూ వార్తల్లో నిలుస్తూ జనాల్లో డిస్కషన్ పాయింట్ అవుతోంది మెగా డాట‌ర్. మొదట శిరీష్ భరద్వాజ్ అనే వ్యక్తిని ప్రేమించి పెళ్లి చేసుకున్న శ్రీజ.. కొన్నాళ్లకే అతనితో విడాకులు తీసుకుంది. కాని అతనితో ఓ బిడ్డకు జన్మనిచ్చాక తన బంధాన్ని తెంపుకుంది. ఆ తర్వాత చిరంజీవి సమీప బంధువైన కళ్యాణ్ దేవ్ అనే వ్యక్తిని రెండో వివాహం చేసుకోగా, వీరిద్దరికి ఓ కూతురు కూడా పుట్టింది.
