కొద్ది రోజుల క్రితం జ‌రిగిన అల‌య్ భ‌ల‌య్ కార్య‌క్ర‌మంలో గరికపాటి.. మెగాస్టార్ చిరంజీవి పై అస‌హ‌నం వ్య‌క్తం చేసిన విషయం తెలిసిందే. చిరంజీవితో మహిళా అభిమానులు ఫోటోలు, సెల్ఫీలు దిగుతుంటే.. అది ఆపమని, లేదంటే తాను వెళ్లిపోతానంటూ మండిప‌డ్డాడు. గరికపాటి అలా అన్నా కూడా చిరంజీవి ఎంతో వినమ్రంగా ఆయన‌కు న‌మ‌స్క‌రించి గరికపాటి గొప్ప‌ద‌నం గురించి చెప్పుకొచ్చాడు. ఆ తరువాత నాగబాబు ఎంట్రీ, మెగా అభిమానులు, చిరు భక్తుల ఎంట్రీతో కథ మారిపోయింది. గ‌రిక‌పాటిని తెగ ట్రోల్ చేసి చిరు ప‌వర్ ఏంటో చూపించారు.
ఇక ఈ వివాదం అంత స‌ద్దుమ‌ణిగింది అనుకున్న స‌మ‌యంలో గరికపాటి నరసింహారావుకు చల్లగా చురక అంటించారు మెగాస్టార్ . ఓ ప్రైవేట్ ఈవెంట్లో పాల్గొన్న చిరంజీవితో ఫోటోలు దిగడానికి మహిళలు ఆసక్తి చూపిన నేపథ్యంలో… ఇక్కడ ఆయన లేరు కదా, అంటూ సెటైర్ వేశారు. ప్ర‌స్తుతం ఈ వీడియో నెట్టింట్లో వైరల్ అవుతోంది. కొందరేమో చిరు టైమింగ్‌ను చూసి ఇష్టపడుతుంటే.. మళ్లీ గెలకడం అవసరమా? అంటూ ఇంకొందరు నెటిజన్లు అంటున్నారు.దీనిపై గరికపాటి ఏమైన స్పందిస్తాడా అనేది చూడాలి.
చిరంజీవి గాడ్ ఫాదర్ ప్రమోషన్స్‌లో ఈ విషయం మీద ప్రస్థావించాడు. మనల్ని ఒక మాట అంటే.. మనం వెంటనే రియాక్ట్ అవ్వాల్సిన పని లేదు.. ఆయన పెద్ద వారు.. అంటూ గరికపాటి మీద కామెంట్ చేశాడు. ఎప్పుడు ఏ విష‌యంపైనైన చిరంజీవి చాలా సున్నితంగా స్పందిస్తారు. సంద‌ర్భం వ‌చ్చిన‌ప్పుడు మాత్రం మెల్ల‌గా చురక అంటిస్తారు. ఇప్పుడు అలానే చేశారు. ఇక చిరు ప్ర‌స్తుతం వాల్తేరు వీర‌య్య చిత్రంతో బిజీగా ఉన్నారు. ఈ సినిమా కి సంబంధించి టీజ‌ర్ రీసెంట్‌గా విడుద‌ల కాగా, ఇది ప్రేక్ష‌కుల‌కి మాంచి కిక్ ఇచ్చింది.
