ANR : స్వ‌యంకృషితో టాలీవుడ్ మెగాస్టార్‌గా ఎదిగిన చిరంజీవి ఎందరికో స్పూర్తి. ఇప్ప‌టికీ ఆయ‌న స్పూర్తితో సినిమా ప‌రిశ్ర‌మ‌లోకి చాలా మంది అడుగుపెడుతున్నారు. చిరంజీవి న‌ట‌న, ఫైట్స్, డ్యాన్స్ చూసి మురిసిపోని వారు లేరంటే అతిశ‌యోక్తి కాదు. అయితే చిరంజీవిపై కోపంతో ఏఎన్ఆర్ తన కుమారుడు నాగార్జునని హీరో చేశాడ‌ని అంటారు. చిరంజీవి డేట్స్ దొరకక పోవడం వల్ల విసుగు చెందినటువంటి ఏఎన్ఆర్ అన్నపూర్ణ స్టూడియో బ్యానర్ లో విక్రమ్ మూవీతో నాగార్జునని హీరోగా పరిచయం చేశారని డైరెక్టర్ గీతాకృష్ణ తెలియజేశారు.
చిరంజీవి కోసం ఎదురు చూసి చివరికి నాగార్జునని తన బ్యానర్ లో హీరోగా పరిచయం చేశారట ఏఎన్ఆర్. అన్నపూర్ణ స్టూడియో బ్యానర్ పై 23 ఏళ్ల నుంచి చిరంజీవి డేట్స్ కొరకు ఎదురు చూస్తూ వ‌చ్చిన ఆయ‌న చివరికి ఆ నిర్ణ‌యం తీసుకున్నార‌ట. ఫస్ట్ సినిమాతోనే భారీ విజయాన్ని అందుకున్న నాగార్జున తర్వాత మజ్ను, సంకీర్తన అనే మూవీస్ ద్వారా ప్రేక్షకుల ముందుకు వచ్చి అనేక విజయాలను సొంతం చేసుకున్నారు. ప్ర‌స్తుతం కుర్ర హీరోల‌కు పోటీగా ప‌లు సినిమాలు చేస్తున్నారు నాగార్జున. మ‌రి కొద్ది రోజుల‌లో ది ఘోస్ట్ అనే చిత్రంతో ప‌ల‌క‌రించ‌బోతున్నాడు.
టాలీవుడ్ కింగ్ నాగార్జున ప్రధానపాత్రలో రూపుదిద్దుకున్న హైఓల్టేజ్ యాక్షన్ మూవీ ది ఘోస్ట్ చిత్రం ప్రవీణ్ సత్తారు దర్శకత్వంలో తెరకెక్క‌గా ఈ మూవీ అక్టోబరు 5న ప్రేక్షకుల ముందుకు రానుంది. ఈ చిత్రంలో నాగ్ సరసన సోనాల్ చౌహాన్ కథానాయికగా న‌టించింది. ఈ సినిమా థియేట్రికల్ ట్రైలర్ ఇప్పటికే ప్రేక్షకులను విశేషంగా ఆకట్టుకుంది. ఇందులోని యాక్షన్ దృశ్యాలు హాలీవుడ్ చిత్రాలను తలపించేలా ఉన్నాయన్న టాక్ వినిపించింది. మెగాస్టార్ చిరంజీవి నటించిన గాడ్ ఫాదర్ చిత్రం కూడా అక్టోబరు 5నే గ్రాండ్ గా రిలీజ్ అవుతోంది.
