Anweshippin Kandethum : టోవినో థామస్.. ఈ పేరు తెలుగు ప్రేక్షకులు కొందరికి తెలుసు. వంద కోట్లకు పైగా వసూలు చేసిన ఆయన మలయాళ హిట్ ‘2018’ను తెలుగు డబ్బింగ్ చేశారు. థియేటర్లలో మంచి పేరు తెచ్చుకుంది. సూపర్ హీరో సినిమా ‘మిన్నల్ మురళి’కి తెలుగులో ఫ్యాన్స్ ఉన్నారు. టోవినో థామస్ మలయాళ సినిమాలను ఆహా ఓటీటీ డబ్బింగ్ చేసి తెలుగు వీక్షకుల ముందుకు తీసుకొస్తుంటారు. అయితే టోవినో థామస్ హీరోగా నటించిన లేటెస్ట్ మలయాళ సినిమా ‘అన్వేషిప్పిన్ కండతుమ్. చిత్ర క‌థ విష‌యానికి వ‌స్తే ఆనంద్ నారాయణ్ (టోవినో థామస్) సబ్ ఇన్‌స్పెక్టర్. అతని స్టేషన్ పరిధిలో ఓ అమ్మాయి మిస్సింగ్ కేసు నమోదు అవుతుంది.
హంతకుడిని ఆనంద్ మ‌రియు అతని టీం పట్టుకుంటుంది. అయితే… అనూహ్య పరిణామాల కారణంగా వాళ్లందరూ సస్పెండ్ కాగా, జనం ముందు ఆనంద్ దోషిగా నిలబడాల్సిన ప‌రిస్థితి వ‌స్తుంది. అయితే కొన్నాళ్లకు ఎస్పీ (సిద్ధిఖీ) ఆనంద్ & టీంను పిలిచి మరో కేసు అప్పగిస్తారు. లోకల్ పోలీసులు, క్రైమ్ బ్రాంచ్, సిట్ టీం ఇన్వెస్టిగేషన్ చేసినా… శ్రీదేవి (అర్తన బిను) మర్డర్ కేసును సాల్వ్ చేయలేకపోతారు. శ్రీదేవి హంతకులు ఎవరో గనుక పట్టుకోగలిగితే ముందు జరిగిన కేసును జనం మర్చిపోతారని ఎస్పీ చెబుతారు. శ్రీదేవి కేసు ఇన్వెస్టిగేషన్ చేయడానికి వెళ్లిన ఆనంద్ & టీంకు ఆ ఊరి ప్రజలు ఎందుకు సహకరించలేదు? అమ్మాయి మిస్సింగ్ కేసులో ఆనంద్ & టీం ఎందుకు సస్పెండ్ అయ్యింది? అనేది సినిమా చూస్తే అర్ధ‌మ‌వుతుంది.
అయితే ఈ సినిమాలో హీరో పోలీస్ ఆఫీసర్. సాధారణ పోలీస్ ఆఫీసర్ ఎలా ఉంటారో? అలా టోవినో థామస్ పాత్రను చూపించారు ..’అన్వేషిప్పిన్ కండతుమ్’లో స్పెషాలిటీ ఏమిటంటే… ప్రేక్షకుల ఊహకు అందని ట్విస్టులు సర్‌ప్రైజ్ చేస్తాయి. ఫస్టాఫ్‌లో లిల్లీ మర్డర్ కేసులో గానీ… సెకండాఫ్‌లో శ్రీదేవి మర్డర్ కేసులో గానీ చాలా హజత్వానికి దగ్గరగా తీశారు. ఫస్టాఫ్ సాగినంత వేగంగా సెకండాఫ్ ముందుకు వెళ్లలేదు. ఇన్వెస్టిగేషన్స్‌లోనూ ట్విస్ట్స్ బావున్నాయి. ఆ ట్విస్ట్స్ వచ్చే వరకు కొన్ని రొటీన్ సీన్స్ కూడా ఉన్నాయి. ప్రారంభం నుంచి ముగింపు వరకు ఏ దశలోనూ క్యారెక్టర్ పరిధి దాటి బయటకు వెళ్ళలేదు. ఓ సాధారణ ఎస్సై మాత్రమే ప్రేక్షకులకు కనిపిస్తారు. క్రైమ్ డ్రామా, ఇన్వెస్టిగేషన్ థ్రిల్లర్స్ చూడాలని కోరుకునే ప్రేక్షకులకు ‘అన్వేషిప్పిన్ కండతుమ్’ బెస్ట్ ఆప్షన్. రెండున్న‌ర గంట‌ల పాటు సినిమాని చ‌క్క‌గా ఎంజాయ్ చేయ‌వ‌చ్చు.
