Anupama Parameswaran : యంగ్ హీరో సిద్ధు జొన్నలగడ్డ నటించిన ” డీజే టిల్లు ” సినిమా బాక్సాఫీస్ వద్ద భారీ హిట్ ని సొంతం చేసుకున్న విష‌యం తెలిసిందే. విమల్ కృష్ణ దర్శకత్వం వహించిన ఈ సినిమాలో నేహా శెట్టి హీరోయిన్ గా నటించ‌గా, సితార ఎంటర్‌టైన్మెంట్స్ బ్యానర్‌పై ప్రముఖ నిర్మాత నాగవంశీ ఈ చిత్రాన్ని రూపొందించారు. కాగా చిన్న మూవీగా థియేటర్లలో విడుదలైన ఈ సినిమా బ్లాక్ బస్టర్ హిట్ అందుకుని మంచి కలెక్షన్లను సంపాదించింది. ఈ సినిమాపై ప్ర‌తి ఒక్క‌రు ప్ర‌శంస‌లు కురిపించారు. తొలి పార్ట్ మంచి విజ‌యం సాధించ‌డంతో సీక్వెల్ మొద‌లు పెట్టే ప్ర‌య‌త్నాలు మొద‌లు పెట్టారు.
సీక్వెల్‌కి హీరోయిన్స్ స‌మ‌స్య త‌లెత్తుతుంది. మొదటగా ఫస్ట్ పార్ట్‌లో నటించిన నేహా శెట్టికి బదులుగా యంగ్ హీరోయిన్ శ్రీలీలను తీసుకున్నారు. కానీ ఆమె డేట్స్ ఖాళీగా లేకపోవడంతో తర్వాత అనుపమ పరమేశ్వరన్ ఎంట్రీ ఇచ్చింది. అయితే కొన్ని రోజులు షూటింగ్ చేశాక అనుపమ ఈ సినిమా నుంచి తప్పకుందని వార్తలు కూడా వినిపించాయి. ఇక ఈ తరుణంలోనే గత కొన్ని రోజులుగా ఈ మూవీలో హీరోయిన్ గా మడోన్నా సెబాస్టియన్ పేరు వినిపించింది. కానీ అనూహ్యంగా హిట్ రిలీజ్ అయినప్పటి నుంచి ” మీనాక్షి చౌదరి ” ఈ సినిమాలో యాక్ట్ చేయనున్నట్లు సోషల్ మీడియా వేదికగా గట్టిగా ప్రచారం జరిగింది.
అయితే ఈ సినిమాకి ఇంత మంది హీరోయిన్స్ ఎందుకు మారుతున్నారు అంటూ సినీ వర్గాల్లో హాట్ టాపిక్ నడుస్తుంది.ఇదే క్ర‌మంలో అనుపమ పరమేశ్వరన్ ప్ర‌స్తుతం తాను నటించిన 18 పేజెస్ చిత్ర ప్ర‌మోష‌న్స్ లో యాక్టివ్‌గా పాల్గొంటుంది. ఈ క్ర‌మంలో ఆమెకు డీజే టిల్లు 2 సినిమాకి సంబంధించిన ప్ర‌శ్న ఎదురైంది. అనుపమ ఈ చిత్రం గురించి మాట్లాడేందుకు కూడా ఇష్టపడలేదు. తన ఫ్రస్ట్రేషన్ బయట పెడుతూ ఇప్పుడు 18 పేజెస్ గురించి మాత్రమే మాట్లాడుకుందాం. టిల్లు స్క్వేర్ లో ఏం జరుగుతోందో నాకు తెలియదు. నేను కూడా కొన్ని ఆర్టికల్స్ చదివాను అంటూ అనుపమ ఆసక్తికర వ్యాఖ్యలు చేసింది. సినిమా గురించి కూడా మాట్లాడ‌డానికి ఈ అమ్మ‌డు ఆస‌క్తి చూప‌డం లేదంటే ఏమైం ఉంటుందా అని అంద‌రు ఆలోచ‌న‌లు చేస్తున్నారు.
